اسلام آباد۔ 30 ستمبر (اے پی پی) مزن وزیر عمران خان ءِ پی ایم ڈی یو ءَ را دو ماہ آنی توک ءَ نیشنل ایمرجنسی ہیلف لائن جوڑ کنگ ءِ پنت ءُ شون کت۔ چار شمبے ءَ مزن وزیر کارگس ءِ نیمگ ءَ جاڑی بوتگیں ھال آنی رد ءَ مزن وزیر ءَ پنت ءُ شون پی ایم ڈی یو یونٹ ءَ را کتگ کہ آیوکیں دو ماہ آنی توک ءَ شرپ مندیں شہری الس ءِ واستہ یک کمکی ہیلف لائن ءِ بست ءُ بند کنگ بہ بیت۔ ایش زوت شہری الس ءَ را کمک ءِ واستہ تیار بہ بیت۔ اے چار ءُ بچار انوگیں زوتیں بوتگیں نہ وشیں موٹروے واکیہ آھودا یک زالبولے ءَ را گوں آئی زھگ آنی گوما ٹارگٹ کنگ ءُ بے شرپ کنگ ءِ واوکیہ ءِ رد ءَ کنگ بوتگ۔ ایش انچیں کمکی لائن ءِ بیت کہ آھوادا ایمرجنسی سروس نہ بوھگ ءِ پد ءَ کمک بست ءُ بند کنت۔ مزن وزیر ءَ پنت ءُ شون کت کہ آیوکیں دو ماہ آنی توک ءَ اے راجی نیشنل ایمرجنسی ہیلف لائن جوڑ کنگ بہ بیت۔ یک جتائیں نیٹورک ءِ جوڑ کنگ بیت ءُ ایشی ءِ سیم سر ملک ءِ پورائیں سیم سراں تاں بنت۔ مزن وزیر کارگس ءِ گوشگ ءِ رد ءَ درستیں ہیلف لائن آنی ایمرجنسی نمبر نوکیں ٹیکنالوجی ءِ کمک ءَ ایشی یے گوما لنک بنت۔ مزن وزیر کارگس ءِ رد ءَ نوکیں سسٹم ءَ نوکیں زمانگ ءِ ٹیکنالوجی ءَ چہ کمک زوران ءَ ملک ءِ توامیں موبائل کمپنی آں چہ کمک در جنگ بیت ءُ نظام ءَ را گیش گہتر ءُ برجم جوڑ کنگ ءِ وستہ کانود جوڑیشت کنگ بیت۔ اے رد ءَ کانود جوڑیشت ءِ واستہ صوبگ آں گوں شور ءُ مشور کنگ بیت۔
