اسلام آباد۔ 29 ستمبر (اے پی پی) بھارتی فوج کنٹرول لین آ خارتس سم کاری کرسا شاری آبادی ءِ شست کرے، ہراٹی پاک فوج انا سپاہی و 15 سال انا ورناس شہید مسر وخت اس کہ اسہ زالبول اسے تون اوار چار شاری ٹھپی مسر۔ پاک فوج انا شعبہ تعلقات عامہ (آئی ایس پی آر) آن جاری بیان نا رداٹ بھارتی فوج کنٹرول لین آ بروہ و تندار سیکٹر آتیٹی خارتس سم کاری کرسا شاری آبادی ءِ شست کرے ہراٹی بروہ خلق انا ہنکینی 15 سال انا ورناس شہید مس وخت اس کہ تندار سیکٹر اٹ کرتان خلق انا اسہ زالبول و 80 سال انا بزرگ اسے تون اوار چار شاری ٹھپی مسر۔ پاکستانی فوج بھارتی جارحیت نا پبی ورندی ءِ تس و بھارتی پوسٹ آتے شست کرے ہراکان سم کاری کننگاسس۔ بھارتی پوسٹ آتیا بھلو مالی و جانی نسخان مننگ نا حوال آک ءُ۔اسہ ایلو آ سم کاری ٹی سپاہی شفیق نرزوری اٹ مقابلہ کرسا شہیدی نا جام ءِ نوش کرے۔
