کوئٹہ۔29ستمبر(اے پی پی) سر وزیر بلوچستان جام کمال ءِ سروکی ءَ مزن تکی دیوان ءِبرجم دارگ بوت، دیوان ءِ تہ َ بنجاھی ءُ صوبائی حکومت ءِ ھوری ء۔ بلوچستان ءِ زرباری ضلع آنی استیں پیکج ءَ ھوار جتا جتائیں سیکرٹرز آنی منصوبگ آںی چار ءُ تپاسی گرگ بوت۔ شور ءُ مشور ءُ کچ ءُ کساس بوتگیں 207286 ءُ منصوبگ آنی کساس 184 انت، پیکج ءَ ھوار منصوبگ آنی استیں بنجاھی ءُ صوبائی محکمہ آنی وسیلگ ءَ سرجم کنگ بیت، دیمروئی پیکج ءَ کشت ءُ کشار، آپ، صنعت ،رسانک ، ماہی گیری، ھاٹیگ، لائیو سٹاک، بارڈر ٹریڈ، بلدیات، ایل پی جی/ ایل این جی ٹرمینل ءِ جوڑیشت، جیٹیز ءِ جوڑیشت ءِ منصوبگ ھوار انت، پیکج ءِ ھواری لکوکیں وھد ءُ پاسی، دراج بریں منصوبگ آناں بھر بھر آنی تہ ءَ سرجم کنگ بیت، اے موہ ءِ سر ءَ سر وزیر بلوچستان جام کمال خان ءَ گوشت کہ دیمروئی پیکج ءِ مول ءُ مراد زرباری بلوچستان ءِ کم دیمروئی کنوکیں ءُ پشت کپتگیں ضلع آناں ایندگر دیمروئی ضلع آنی برابر ءَ آرگ، دیمروئی پیکج ءَ اے وڑیں منصوبگ آناں پکوئی رنگ دیگ ءِ ضلورت انت ھماوانی چاگردی ءُ معاشی شوبگ ءِ سر ءَ پازیٹیو رند پد نکش بنت، بنجاھی حکومت ءِ دیرموئی پیکج ءَ ارزشتی ایں منصوبگ ھوار کنگ ءِ شور ءُ مشور دینت۔ کوئٹہ ءَ ھوار صوبگ ءِ ایندگر توامیں ضلع آنی ماسٹر پلاننگ کنگ بوھگ ء۔ انت۔ ماسٹر پلاننگ ءِ چیر دستی ءَ دیمروئی ءِ بنیاتی کوکا ءِ جوڑیشت بوت کنت، کشت ءُ کشا ءُ لائیو سٹاک ءِ شوبگ ءِ دیمروئی ءَ چہ روزگار ءِ موہ آنی تہ ءَ گیشی بیت، سر وزیر بلوچستان ءَ پنت ءُ شونگ کت کہ لائیو سٹاک ءِ شوبگ ءَ دلوت داروکیں مردم آناں مالی کمک ءُ ٹیکنیکی کمک پجاری کنگ ءِ منصوبگ پیکج ءَ ھوار کنگ بہ بیت۔
