اسلام آباد ۔ 29 ستمبر (اے پی پی) بنجاھی وزیر وانگ ءُ زانگ ءُ کزبی کار ءُ ھیل کاری شفقت محمود ءَ گوشت کہ سیمی بھر ءَ سرجمیں ملک ءِ توامیں پرائمری سکول آناں پچ کنگ بیت، ای او پیز آنی سر ءَ ترندی ءَ گوں پد ءُ رند کنگ بیت ھما وانگ ءُ زانگی ادارگ ایس او پیز آنی پد ءُ رند ءَ نہ کناں آواناں بند کنگ بیت۔ سئے شمبے ءَ این سی او سی ءَ پریس کانفرنس ءَ گوں گشتانک دیان ءَ شفقت محمود ءَ گوشت کہ وانگ ءُ زانگی ادارگ آناں پچ کنگ ءِ ھوالگ ءَ پیسلہ ءِ واستہ توامیں صوبگ آناں آن بورڈ کنگ بیت۔ آئی ءَ گوشت کہ سیمی بھر ءَ پرائمری سکوک آناں پچ کنگ ءِ پیسلہ ھساب ءُ داد آنی رد ءَ کنگ بوتگ۔ 15 ستمبر ءَ چہ سکول پچ کنگ ءَ پد استاد، سکول اسٹاف ءُ نودربر آنی یک لکھ 71 ہزار 436 ٹیسٹ کنگ بوتگ ایشانی تہ ءَ 1284 ٹیسٹ پازیٹو اتکگ انت ایش 0.89 درسد بوتگ انت۔ وزیر ءِ وانگ ءُ زانگ ءَ گوشت کہ آ مات ءُ پت دل یکیمی دیاں کہ ایس او پیز آنی سر ءَ سرجمیں رنگ ءَ در آمد کنگ بہ بیت، ھما سکول ایس او پیز آنی پد ءُ رند ءَ نہ کن انت آواناں بند کنگ بیت۔ بنجاھی ءُ صوبائی محکمہ ایس او پیز آنی پد ءُ رند ءِ ھاترا گامگیج کنگ ءَ آں۔ آئی ءَ گوشت کہ سیمی بھر ءَ را کامیات جوڑ کنگ ءِ واستہ ما را دستاناں کار کنگی انت۔ اے موہ ءِ سر ءَ مزن وزیر ءِ ھاسیں کمکار برائے جان سلامتی ڈاکٹر فیصل سلطان ھم ساڑی ات۔
