اسلام آباد ۔ 29 ستمبر (اے پی پی) چیئرمین سینیٹ محمد صادق سنجرانی ءَ گوشت کہ پاکستان اوگانستان ءَ مھکمیں ایمنی ءِ کوشست آنی کمک ءَ جاڑؑی دار ایت، اوگان جیڈھ آنی گیواری ڈائیلاگ ءِ وسیلگ ءَ بوت کنت۔ اے ھیالانی درشانی آئی ءَ اوگانستان ءَ مزن تکی کونسل برائے راجی سیت ءِ چیئرمین ڈاکٹر عبداللہ عبداللہ ءَ سئے شمبے ءَ پارلیمنٹ گس ءَ گند ءُ نند ءِ ساھت َ کت۔ سینیٹ سیکرٹریٹ ءِ رد ءَ گند ءُ نند ءَ دو نیمگی یکوئی، پارلیمانی رابطہ ءُ وت مہ وتی واھگی کار آنی ھوالگ ءَ ھیال ریچی کنگ بوت۔ چیئرمین سینیٹ ءَ گوشت کہ اوگانستان ءَ ایمنی ءِ رند پد پاکستان ءِ سر ءَ کپ انت ءُ پاکستان اوگانستا ءَ اوگان آنی سروکی ءَ ایمنی کار آنی کمک َ کنت انت۔ آئی ءَ گوشت کہ پاکستان پڑ ءَ ایمنی ءِ گیشی ءِ کوشست آنی کمک ءَ جاڑی دار ایت۔ ایمنی ءُ سلامتی پڑ ءَ دیمروئی ءِ زامن انت۔ چیئرمین سینیٹ ءَ گوشت کہ پاکستان ءُ اوگانستان براتی ءُ وت مہ وتی شرپ ءُ ازت ءِ ریشگ آنی گوما بندوک انت ءُ اقتصادی ءُ سیاسی رابطہ آنی وسیلگ ءَ اے ریشگ ءَ را گیش مھکم کنگ بہ کنت، اوگانستان پاکستان ءِ واستہ ارزشتی ایں ملک ات۔ محمد صادق سنجرانی ءَ گوشت کہ پارلیمانی تک ءَ دو نیمگی رابطہ آناں گیش ودینگ ءِ واستہ دراج بُریں موہ است انت۔ پاکستان ءِ سینیٹ ءُ اوگان مشرانو جرگہ ءِ نیام ءَ ادارگی وت مہ وتی کمک آنی دیمروئی ءِ ضلورت انت۔ چیئرمین سینیٹ ءَ پاکستان ءُ اوگانستان ءِ نیام ءَ تجارتی چست ءُ ایر آنی دیمروئی دیگ ءِ ضلورت ءِ سر ءَ زور دیان ءَ گوشت کہ دو نیمگی تجارتی ءُ اقتصادی یکوئی رابطہ آناں گیش مھکم کنگ ءَ کمکار سہرا بنت۔ آئی ءَ گوشت کہ پڑ ءِ جاو آناں پھمان ءَ مارا ایمنی ءُ سلامتی ءُ دیمروئی ءِ وستہ یکجائی ءَ کار کنگ لوٹ ایت، پاکستان ءَ ناشرکاری ءِ ھلاپ ءَ جنگ ءَ ٹوھیں قربانی داتگ۔ ایشی ءَ چہ پیسر مہمان وھد ءِ پارلیمنٹ گس ءَ سر بوت انت گڈا سینیٹر برائے مہمان جھلی سینیٹر مرزا محمد آفریدی ءُ سینیٹ ءِ مزن مزنیں کارندہ آں ڈل ءَ را وش اتک کت۔ اوگان سروک آں مہمان آنی کتاب ءَ وتی وتی لیکہ درشان کت ءُ نویس اتنت۔ چیئرمین سینیٹ ءَ اے موہ ءِ سر ءَ مہمان آنی شرپ ءَ سبارگ دات ایشی ءِ ہ ءَ پارلیمانی سروک، وزیر ءُ پارلیمنٹ ءِ باسک آں بھر زوری کت۔
