پاکستان ءَ اوگان ایمنی ءِ کار ءَ آسراتی ءَ دیگ ءَ ارزشتی ایں کرد پیلو کتگ، اوگانستان اچبر کجاھم ھم ناشرکاری گل ءَ را وتی سرڈگار ءَ را دگہ دومی مردم ءِ ھلاپ ءَ کارمرد کنگ ءِ موہ ءَ نہ دنت، اوگان وت مہ وتی سیتی کانسل ءِ چیئرمین ڈاکٹر عبداللہ عبداللہ ءِ انسٹی ٹیوٹ آف سٹریٹجک سٹڈیز ءَ برجم داشتگیں کانفرنس ءَ گشتانک

اسلام آباد ۔ 29 ستمبر (اے پی پی) اوگانستان ءِ سیتی کونسل ءِ چیئرمین ڈاکٹر عبداللہ عبداللہ ءَ گوشت کہ پاکستان ءَ اوگان ایمنی کار ءَ آسراتی ءِ ارزشتی ایں کرد پیلو کتگ، اوگانستان اچبر کجاھم ھم ناشرکاری گل ءَ را وتی سرڈگار ءَ را دگہ دومی مردم ءِ ھلاپ ءَ کار مرد کنگ ءِ موہ ءَ نہ دنت۔ سئے شمبے ءَ انسٹی ٹیوٹ آف سٹریٹجک سٹڈیز ءَ برجم داشتگیں کانفرنس ءَ گوں گشتانک دیان ءَ آئی ءَ گوشت کہ پاکستان ءُ اوگانستان دوئیں جتا جتائیں ناشرکاریں گل آنی نیمگ ءَ کشاں چیلی چست ءُ ایر آنی گوما دیم پہ دیمی کنان ءَ بازیں نیاد داتگ، مارا اے وڑیں چیز آنی ھلاپ ءَ کمک کنگ ءِ ضلورت انت۔ عبداللہ عبداللہ ءَ گوشت کہ آئی ءِ ملک اچ کس ءَ را وتی سرزمین ءَ را دومی ملک ءِ ھلاپ ءَ کشاں چیلی چست ءُ ایر ءِ واستہ کارمرد کنگ ءِ موہ ءَ نہ دنت۔ اوگان مزن تکی سیتی کونسل ءِ چیئرمین ءَ گوشت کہ اوگان حکومت ءُ طالبان ءِ نیام ءَ سول ءُ تران آںی بنگیج یک جوانیں موہ ات ءُ دراج بُریں جنگ ءِ ھلاسی ءِ امیت پیداک بوتگ۔ آئی ءَ گوشت کہ ما وتی سول ءُ ترانی ٹیمب ءَ را سگ ءُ اوپار کشی ءِ واستہ تیار کتگ۔ آئی ءَ گوشت کہ دوئیں ملک آنی نیام ءَ سیکورٹی ، سیاسی ءُ معاشی شوبگ آنی تہ ءَ وت مہ وتی کمک آنی ٹوھیں ازم ءِ است انت۔ آئی ءَ گوشت کہ پاکستان ءِ تر ءُ تاب ءِ مول ءُ مراد دوئیں ملک آںی نیام ءَ نوکیں دور ءُ باریگ آںی بندات کنگ انت، پاکستان ءُ اوگانستان ءِ نیام ءَ براتی ءُ یکوئی است انت، اوگانستان، پاکستان ءِ گوما مھکمیں یکوئی ءِ واھشت ایگ انت۔ ڈاکٹر عبداللہ عبداللہ ءَ گوشت کہ اوگانستان ءَ ایمنی ءَ چہ پاکستان ءَ ایمنی بیت۔ آئی ءَ گوشت کہ دوئیں ملک آنی تہ ءَ آزات تجارت ءَ را دیمروئی دیگ المی انت۔ آئی ءَ ایمنی ءُ وشھالی ءِ واستہ وت مہ وتی رابطہ آںی ضلورت ءِ سر ءَ زور پر دات۔ عبداللہ عبداللہ ءَ لکھانی اوگان مہاجر آنی میزبانی کنگ ءِ پد ءَ پاکستان ءِ شگر ءُ منت ھم گپت۔