اسلام آباد۔ 28 ستمبر (اے پی پی) بنجائی وزیر سائنس و ٹیکنالوجی چوہدری فواد حسین شہباز شریف نا دزگیری آ ردعمل نا درشانی ءِ کرسا پارینے کہ شہباز شریف نا دزگیری ستاکڑزک۔ دوشنبے نادے آ تینا اسہ ویڈیو کلہو اسے ٹی بنجائی وزیر پارے کہ شہباز شریف نا دزگیری ہمو کنڈآ مزل نا نشان ءِ ہرا پی ٹی آئی پاکستان نا الس تون احتساب نا وعدہ کریسس کہ نن پیشن بینک آتیٹی تموک پاکستان نا پیسہ غاتے پدی اتینہ۔ شہباز شریف نا دزگیری اہم ءُ پیش رفت اسے۔ دا کیس تدوک آ کم و ود اسہ سال آن چلینگاکہ و داڑآ بھاز خواری و کیس انا جاست وپاست بھاز جوان مسنے۔ فواد چوہدری پارے کہ شہباز شریف و اونا خاہوت نا برخلاف 41والم آ مبنی شاہدی ءُ کہ ہراوڑ پیسہ غاتے پیشن گدریفنگا و ہراوڑ دا دُوارہ پیسہ غاک پدی بسر۔ فواد چوہدری پارے کہ دزگیری ءِ سیاسی رنگ تننگ نا کوشست کننگ انگ ءِ وخت اس کہ حقیقت دادے کہ احتساب نا غٹ ادارہ غاتیٹی مسلم لیگ ن نا دور اٹ افراد خلنگا ومسلم لیگن نا دوراٹ جوڑ کروک کانود ءُ۔ فواد چوہدری پارے کہ شہباز شریف نا دزگیری آ تحریک انصاف ءِ دوبہ تننگ درستاف۔ اوپارے کہ غٹ شاہدیک، دستاویزی دروشم اٹی ءُ۔
