اسلام آباد۔ 28 ستمبر (اے پی پی) سینیٹ اٹی قائد ایوان سینیٹر ڈاکٹر شہزاد وسیم آرمینیا نا فوج انا کنڈآن نکورنوکاراباغ اٹ سول آبادی و فوجی تنصیب آتیا جلہو نا ترندی اٹ مذمت ءِ کرسا پارینے کہ پاکستان آذربائیجان نا کنڈآن تینا علاقائی سلامتی نا دفاع نا پبی مخ تفی ءِ کیک۔ دوشنبے نادے آ تینا بیان اٹی اوآرمینیا نا فوج انا کنڈآن جلہو اٹی زوال کروک آ آذربائیجان نا شاری تیکن دعا کرے۔ اوپارے کہ نکور نوکاراباغ نا باندات آ پاکستان اقوام متحدہ نا سلامتی کونسل نا کنڈآن امنا کروک آذربائیجان ناموقف نا پبی مخ تفی ءِ کیک۔ اوپارے کہ جہانی برادری و اقوام متحدہ حالیت آتا نوٹس ءِ ہلسا دا باندات اٹ نیام تمر انتئے کہ دا عمل آن علاقائی امن و سلامتی کن بھاز خطرہ مون تروک مننگ کیک۔ اونکورنو کاراباغ آن آرمینیا نا فوج انا دمدستی پدی ہِننگ نا خواست کرے۔
