اسلام آباد۔ 28 ستمبر (اے پی پی) وزیراعظم نا خصوصی کمکار احتساب و داخلہ مرزا شہزاد اکبر پارینے کہ بلاول بھٹو زرداری نا پاپا نا برخلاف نیب عدالت آتیٹی وڈی خوری نا ریفرنس فائل کرینے، سیاسی سیاسی بیرہلنگ نا کارڈ انا پد اٹ ڈکنگ ءِ بند کے۔ دوشنبے نادے آ تینا اسہ ٹویٹ اٹی او پارے کہ بلاول بھٹو زرداری امپورٹڈ لیڈر ءِ، اوڑکن ہندی کانود اٹ گڑاس اسباق ساڑی ءِ، اونا پاپا نا برخلاف نیب عدالت آتیٹی وڈی خوری نا ریفرنس فائل کرینے، عدالت آک اونا 265 نا، نا درخواست ءِ مسترد کرینو، او کانود آن نرنگ ءِ ، کنے اونا برخلاف دوبہ غاتا پاننگ آ بیوس کپ۔ اوپارے کہ سیاسی بیرہلنگ ناکارڈ انا پداٹ ڈکنگءِ بند کے، پاکستانی الس خاص کر سندھ انا الس اونا ڈوہ انا گواچی مسنو ہرافتے دہائی تیان پُلنگ انگ ءِ۔ اوپارے کہ انت سندھ انا خصوصی کمکار و سلاہکارآک تینا میرات آتے مون آ ایسونو، اوفتے معلوم مرے کہ بنجائی حکومت نا سلاہکار و خصوصی کمکار تینا میرات آتے پاش کرینو۔
