پشاور ۔ 28 ستمبر (اے پی پی) مزن وزیر عمران خان ءَ گوشت کہ یک وھد ءِ بوتگ کہ مملکت آںی سروک آں لندن ءَ نہ انت بلکینگ ءَ پاکستان ءَ وتی علاج ءَ کنائین انت، 70 ءِ زمانگ ءَ ءُ نیشنلائزیشن ءَ چہ پد وانگ ءُ زانگ ءُ جان سلامتی ءِ ادارگ آںی کد ءُ بالاد ءِ ڈگار ءَ دور دیگ بندات بوتگ، حکومت میرٹ ءِ نظام جنگ بوتگ، امیر ءُ گریب ءِ گوما یک رنگیں دیم پہ دیمی بہ بیتت، لیڈی ریڈنگ ہسپتال ءَ را ماڈل جوڑؑ کنگ بہ بیت، ایم ٹی آئی نظام ءِ مول ءُ مراد کار کنوکیں مردم آنی دلبڈی ءُ کار نہ کنوکیں مردم آنی چم جھل جنگ انت۔ اے ھیالانی درشانی آئی ءَ دو شمبے ءَ ادا لیڈی ریڈنگ ہسپتال ءَ سرجیکل ءُ لائیڈ سروسز بلاک ءِ بنگیج ءِ موہ ءَ ڈاکٹر ءُ جان سلامتی کارندہ آں گوں گشتانک دیان ءَ کت۔ مزن وزیر ءَ گوشت کہ آ نوکیں بلاک ءِ جوڑیشت ءَ انتظامیہ ءَ را مبارک بات دنت، اے بھر مزنیں مشکل آں چہ گوزان ءَ سرجم بوتگ، اے ہسپتال ایندگر ہسپتال آنی واستہ یک درور ات۔ آئی ءَ گوشت کہ پاکستان ءِ جوڑیشت ءَ ہسپتال جوانیں انت، اے وھد ءَ پرائیویٹ ہسپتال آنی ھیلا نہ بوتگ، آ وھد ءَ ملک ءِ سروک لندن ءِ مٹ ءَ پاکستان ءَ وتی علاج کنائینتگ۔ آئی ءَ گوشت کہ 70 ءِ زمانگ ءَ نیشنلائزیشن ءَ چہ پد وانگ زانگ ءُ جان سلامتی ءِ شوبگ تباہ بوتگ ءُ آوانی کد ءُ بالاد جھل کپتگ، ھما ادارگ ءِ تہ ءَ سزا ءُ جزا ءِ نظام مہ بیت گڈا آ ادارگ تباہ بیت، جزا ءُ سزا ءِ نظام محنت ءِ سبک ءَ دنت۔ مزن وزیر ءَ گوشت کہ چین ءَ میرٹ ءِ بنیات ءَ سرجمیں دگنیا ءَ را پشت ءَ یل کتگ چیا کہ آھودا میرٹ ءِ نظام انت ءُ پروفیشنلزم ءِ درشان کنوک دیمروئی کت کناں، ایشی ءِ مٹوئی ءَ مئے کلانہ ءُ نونیئر ءِ نظام انت ءُ درستاناں یک رنگیں پگار رسیت۔ آئی ءَ گوشت کہ یک وھد ءِ بوتگ کہ پاکستان ءِ ڈگری دگنیا ءَ مننگ بوتگ انت ءُ مئے ڈاکٹر آناں سک باز ازت بوتگ بلے نوں ڈگری آنی کد ءُ بالاد پیسرے وڑ ءَ نہ انت۔ مزن وزیر ءَ گوشت کہ آ ہسپتال ءِ کد ءُ بالاد ءَ چار گ ءَ چہ سک باز گل بوتگ۔ آئی ءَ پنت ءُ شون کت کہ ایشرا مھکم دارگ ءِ واستہ گامگیج کنگ بہ بیت۔
