اسلام آباد۔ 28 ستمبر (اے پی پی) چین پاکستان اقتصادی راہداری (سی پیک) نا رداٹ ایم۔8 نا تفنگ آن بلوچستان اٹی شونداری و شونہالی نا پوسکن ءُ کسر ملنگک۔ سی پیک اتھارٹی نا کمامدارآتارداٹ سی پیک نا رداٹ ایم۔8 موٹروے نا تعمیراتی کاریم آن ہندی مخلوق ءِ روزگارنا وارخواہی دوبریک۔ نیشنل ہائی وے اتھارٹی (این ایچ اے) بلوچستان اٹی ایم۔ 8 موٹروے نا 146 کلومیٹر مرغن ہوشاب۔ آواران۔ خضدار سیکشن نا تفنگ کن بولی طلب کننگ نا بناءِ کرینے۔ پوسکن آ سیکشن گوادر پورٹ انا رابطہ ءِ گچین کیک و ڈیہہ نا راجی و اقتصادی شونداری ٹی انقلاب اس اتیک۔ دا ڈٹ ہندی مخلوق نا مریس وختی محرومی تے مُر کیک و شونہالی نا سوب مریک۔
