اسلام آباد۔ 28 ستمبر (اے پی پی) اینخو سال اٹی سمندر آن ایپار رہینگوک پاکستانی تا کنڈآن کروک آ ترسیلات زر اٹی ودکی ٹی اگست 2020ء ٹی کرنٹ اکاؤنٹ سرپلس 297 ملین ڈالر مسنے۔ اسٹیٹ بینک آف پاکستان نا حساب وکتاب نارداٹ جاری مالی سال انا بنائی اِرا تُو اٹی جولائی و اگست 2020ء ٹی واپاری نسخان 3.3 ارب ڈالر اسکان کم مسنے وخت اس کہ جولائی و اگست 2019ء ٹی 3.6 ارب ڈالر واپاری نسخان مون تروک ئس۔ ایس بی پی نا رداٹ ایلو کنڈآ سمندر آن ایپار رہینگوک پاکستان تا کنڈآن پاکستان آ گدریفوک آ ترسیلات زر انا کچ 3.7 ارب ڈالر نا مقابلہ ٹی 4.9 ارب ڈالر اسکان ودانے۔ ہنداوڑ برآمد آتا کچ اٹی 4.1 ارب ڈالر نا مقابلہ ٹی 3.4 ارب ڈالر نا کمتی نا ویل انا مون ءِ توننگ اٹ کمک رسینگانے۔ اگست 2020ء کن پاکستان ٹریڈ سرپلس 197 ملین ڈالر مسنے۔
