لاہور۔ 28 ستمبر (اے پی پی) چیئرپرسن سٹینڈنگ کمیٹی فار چیف منسٹر انسپیکشن ٹیم مومنہ وحید پارینے کہ حکومت ءِ وڈی خوری نا چٹفنگ نا مینڈیٹ ملانے، ملک آن نیزگاری نا چٹفنگ کن پبی گام گیج کننگ ءِ۔ دوشنبے نادے آ جاری بیان اٹی اوپارے کہ مستین نا لُٹ و پل انا سوب آن ننے مشکل مون تروک ءِ، کورونا نا دین انا سوب آن اقتصادی شرح نمو ٹی ترندی اٹ کمتی مس، حکومت پاکستان احساس پروگرام اٹ یک و نیم کروڑ خاہوت آتا مالی کمک ءِ کرینے، حکومت کورونا نا دین آن نیزگارآتے بچفنگ کن چندی گام گیج کرے۔ اوپارے کہ دنیا نا آبادی نا15 درسد ہراکہ کم و ود اسہ ارب مریرہ و نیزگاری اٹ رہینگ انگ ءُ۔ پاکستان اٹ نیزگاری نا بنداوی سوب مستین نا حکومت آتا غلط اولیت آک ءُ۔
