اسلام آباد ۔ 26 ستمبر (اے پی پی) ترجمان درئی کارانی کارگس زاہد حفیظ ءَ گوشت کہ مزن وزیر عمران خان ءَ اقوام متحدہ ءِ جنرل اسمبلی ءِ 75 ھپتاد ءُ پنچمی دیوان ءَ گوں گشتانک دیان ءَ ارزشتی ایں میاں اوستمانی ءُ دمگی کار آنی پد ءَ پاکستان ءِ بن گپ ءَ را جوانیں ءَ گوں سہرا کتگ۔ مزن وزیر عمران خان ءَ ریاست مدینہ ءِ نیمگ ءَ نوکیں پاکستان ءِ جوڑیشت ءَ وتی حکومت ءِ ویژن ءَ را بیان کت۔ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ ترجمان ءَ گوشت کہ مزن وزیر ءَ کشمیر ءِ کشاں چیل ءُ جیڈھ ءَ را جوانیں رنگ ءَ سہرا کتگ، بھارتی زوراکی ءُ ریاستی ناشرکاری، کشمیری آنی وت واجئی ھک ءِ دیگ ءِ سوگند ءَ را پیلو کنگ ءِ زور پر دات۔ آئی ءَ گوشت کہ مزن وزیر فلسطین ءِ جیڈھ، اوگان کار، اسلاموفوبیا، کورونا ،زر آنی دُزوکائی ٹرانسفر ءُ ایشانی گیواری ءِ بابت ءَ تل پچی ءَ گپ جت۔ ترجمان درئی کارانی کارگس ءَ گوشت کہ مزن وزیر عمران خان ءَ ایٹماسپیئر ءِ مٹ ءُ بدلی، سلامتی کونسل ءَ گہتری ءُ میاں اوستمانی ایمنی ءُ سلامتی ءِ وڑیں ارزشتیں ایں کار آنی پد ءَ پاکستان ءِ بن گپ ءَ را بیان کتگ۔ مزن وزیر ءَ پاکستان ءِ نیمگ ءَ مھکمیں شور ءُ مشور میاں اوستمانی سروک آنی دیم ءَ ایر کت۔
