بھارت ءِ گامگیج راستیں رنگ ءَ جیڈھ آنی ھوالگ ءَ میاں اوستمانی دلگوش ءَ را دگہ نیمگ ءِ کنگ ءِ یک دگہ کوشست ات، بھارت مقبوضہ جموں کشمیر ءُ ملک ءَ نندوکیں مسلمان ءُ ایندگر گور آنی ھلاپ ءَ کتگیں کرائم آنی کساس گری ءَ چہ رکھ ات نہ کناں، مزن وزیر ءَ گوستگیں سال ھم گوشتگ بوتگ کہ بی جے پی ءِ حکومت ءِ پالیشی ظلم ءُ ناشرکاری ءِ واستہ انت یونائیٹڈ نیشن ءَ پاکستانی گشتانکار ءِ بھارتی گشتانکار ءَ را پسو

اسلام آباد/ نیویارک ۔ 26 ستمبر (اے پی پی) مزن وزیر عمران خان ءِ جنرل اسمبلی ءَ گوں گشتانک ءِ پد ءَ بھارتی گشتانکار ءِ بیان ءِ پسو ءَ دیان ءَ پاکستانی گشتانکار ءَ گوشت کہ گیشتریں مردم دروگ ءُ ردئی اھوال آنی پروپیگنڈہ کنگ ءِ کریڈٹ دیگ بیت۔ بھارتی گشتانکار ءِ تران ءَ اشکنگ ءَ چہ نوں بھارتی زوراک اے گپ ءِ منگ رد نہ بیت کہ اے ازم بی جے پی ءُ آر ایس ایس ءَ ٹرانسفر بوتگ۔ یونائیٹڈ نیشن ءِ جنرل اسمبلی ءِ 75 ھپتاد ءُ پنچمی دیوان ءَ مزن وزیر عمران خان ءِ گشتانک ءَ بھارتی گشتانکار ءَ گوں تران ءِ پسو ءَ دیانءَ وتی واجئی ھک ءَ را کارمرد کنان ءَ پاکستانی گشتانکار ءَ گوشت کہ بھارتی ءِ گامگی راستیں رنگ ءَ گواچنی جیڈھ ءَ چہ میاں اوستمانی برات آنی دلگوش ءَ را گستا کنگ ءِ یک دگہ سلیں کوشست ات۔ آئی ءَ گوشت کہ گجرات ءَ جنگ ءُ چوپ ءُ مردم کشگ ءِ ماسٹر مائینڈ ءَ دہلی ءَ پروگرام ءَ را پکوئیں رنگ داتگ ءُ دہلی ءِ زوراکی ءَ چہ لگت مالیں بزگیں مردم در پہ در انت۔ بھارت ءَ زوراکی ءَ گوں بابری مسیتت ءِ وڑ ءَ دگہ یک کوھنیں مسیت ءِ ءَ را شہید کنگ ءَ ابید اسلامی کوھنیں جاھ آنی پروشگ ءُ ھلاس کنگ ءِمنصوبگ کنان ءَ اے رنگیں گامگیج کنگ ءَ انت۔ آئیءَ گوشت کہ بھارت ہزارانی سال ءَ کوھنیں اسلامتی دود ءُ ربیدگ ءَ را مٹ کنگ لوٹ ایت۔ ایشی ءَ ابید مارا کسد ءُ کینگ ءَ را دمینوکیں گامگیج آنی ھلاسی ءِ واستہ مارا یکجا بوھگ ءُ کار کنگ لوٹ ایت۔ آئی ءَ گوشت کہ بھارت ءَ را لوٹ ایت کہ بھتام بندگ ءِ مٹ ءَ پیسر ءَ جیڈھ آناں تچک کنان ءَ ءُ ھمکچیں ، وت مہ وتی یکوئی آنی ریشگ آنی رد ءَ توامیں جیڈھ آنی گیواری ءِ واستہ پڑ ءَ ایمنی ءِ برجائی ءِ واستہ کرد پیلو بکنت۔