اسلام آباد ۔ 25 ستمبر (اے پی پی) مزن وزیر عمران خان ءَ گوشت کہ الس ھاسیں رنگ ءَ چاگرد ءِ ھمزوریں تبک ءَ را جان سلامتی ءِ آسراتی پجارینگ حکومت ءِ اولی ترجی داتگیں کار انت، پنجاپ ءِ دومزنیں شہر آنی تہ ءَ راجی جان سلامتی کاٹ ءِ یونیورسل کوریج ءِ بندات ءِ چار ءُ تپاسی گرگ بہ بیت۔ اے ھیالانی آئی ءَ آدینگ ءِ روچ ءَ شہیر آنی تہ ءَ راجی جان سلامتی کارڈ ءِ یونیورسل کوریج ءِ بندات ءِ چار ءُ تپاسی گرگ بہ بیت۔ اے ھیالانی درشانی آئی ءَ آدینگ ءِ روچ ءَ صوبہ پنجاپ ءُ صوبہ خیبر پختونخوا ءَ راجی جان سلامتی کارڈ پروگرام ءِ چیر دستی ءَ بزگریں مردم آناں جان سلامتی کد ءُ بالادی آسراتی پجاری ءِ ھوالگ ءَ چار ءُ تپاسی دیوان ءِ سروکی ءَ کنان ءَ کت۔ دیوان ءَ ھاسیں کمکار برائے جان سلامتی ڈاکٹر فیصل سلطان، وزیر ءِ جان سلامتی پنجاپ ڈاکٹر یاسمین راشد، وزیر ءِ جان سلامتی کے پی تیمور سلیم جھگڑا، پارلیمانی سیکرٹری ڈاسکٹر نوشین حامد، سیادی داروکیں وزارت ءُ محکمہ ءِ سیکرٹری صاحب ءُ کلانہ ایں اپسرگ آں بھر زوری کت۔ مزن وزیر ءَ را گوشگ بوت کہ استیں دور حخومت ءَ جان سلامتی آسراتی پروگرام ءِ کار رپک صوبہ پنجاپ ءِ توامیں 36 ضلع ءَ تاں گیش ودینگ بیت، نوں کساس 51 لکھ ھاندان اے پروگرام ءِ چیر دستی ءَ رجسٹرڈ کنگ بوتگ انت، پروگرام ءِ چیر دستی ءَ ھمک ھاندان ءَ را 7 لکھ 20 ہزار کلدار ءَ تاں جان سلامتی آسراتی پجاری کنگ بوھگ ءَ انت۔ مزن وزیر ءَ را گوشگ بوت کہ استیں دور حکومت ءَ اے پروگرام ءَ چہ سیت چست کنوکیں مردم آنی کساس ءَ گیش گیشی بوتگ۔ دیوان ءَ را گوشگ بوت کہ 2020 ءَ انوگ ءَ تاں 80389 مردم آناں آسراتی ءَ چہ سیت چست کتگ۔ رجسٹریشن ءِ ھوالگ ءَ گوشگ بوت کہ گوستیگں دو ماھ ءُ نیم ءَ یک لکھ 20 ہزار ھاندان آناں رجسٹرڈ کنگ بوتگ وھدیکہ انوگ ءَ تاں 235 ہسپتال آناں پینل ءِ تہ ءَ ھوار کنگ بوتگ۔ مزن وزیر ءَ را گوشگ بوت کہ پروگرام ءَ چہ سیت چست کنوکیں مردم آنی نیمگ ءَ پجاری کتگیں فیڈ بیک ءِ رد ءَ 97.5 درسد مردم اے پروگرام ءِ سر ءَ سرجمیں رنگ ءَ دل یکیمی یے درشان کنگ بوتگ۔ دواین ءَ صوبہ خیبر پختونخوا ءَ راجی جان سلامتی کارڈ ءِ نونیورسل کوریج ءِ ھوالگ ءَ دیمروئی کار آنی بابت ءَ بریفنگ دیگ بوت۔ مزن وزیر ءَ دیوان ءَ گوں گشتانک دیان ءَ گوشت کہ الس ءُ ھاسیں رنگ ءَ چاگرد ءِ ھمزوریں تبک ءِ جان سلامتی ءِ آسراتی پجاری کنگ حکومت ءِ اولی کار انت۔ مزن وزیر ءَ گوشت کہ گریب آنی جان سلامتی ءِ آسراتی پجاری وت مستری نہ انت بلکینگ ءَ المی انت۔ مزن وزیر ءَ وزیر ءِ جان سلامتی پنجاپ ءَ را پنت ءُ شون کت کہ صوبہ خیبر پختونخوا ءِ نمونگ ءَ بنداتی رنگ ءَ صوبہ پنجاپ ءِ دو ٹوھیں شہر آنی تہ ءَ یونیورسل کوریج ءِ بندات کنگ ءِ سر ءَ زور پر دیگ بہ بیت۔
