اسلام آباد۔ 25 ستمبر (اے پی پی) بنجائی وزیر ڈٹ بندی، شونداری و خصوصی گام گیج اسد عمر پارینے کہ پلاننگ کمیشن وزارت/ایگزیکٹوایجنسی تیکن سرکاری بشخ انا شونداری پروگرام (پی ایس ڈی پی) فنڈ انابرجاعمل اٹ پین آسانی ودی کرینے۔ وزارت آتا وخت آ فنڈنگ آن ڈٹ آتیا ترندی اٹ عملدرآمد و الس ءِ دوئی مروک آ فائدہ غاتے پک کننگک، شونداری ڈٹ آتا وخت آ و آب اٹ پوروی آ ہچ ءُ سمجھوتہ اس کننگپک۔ داخیال آتا درشانی ءِ او تینا کماشی ٹی پی ایس ڈی پی نا رداٹ برجا وزارت تعلیم و کسبی تربیت نا ڈٹ آتا پیش رفت نا جاچ دیوان آن تران کرسا کرے۔ دیوان اٹی بنجائی وزیر تعلیم کسبی تربیت شفقت محمود، وزیر زرگزرانی امور خسروبختیار، پارلیمانی سیکرٹری تعلیم وجیہہ اکرم، ڈپٹی چیئرمین پلاننگ کمیشن، سیکرٹری ڈٹ بندی، سیکرٹری تعلیم، و وزارت ڈٹ بندی نا سینئر عہدیدار آک ساڑی ئسر۔ دیوان اٹی پی ایس ڈی پی نا مالی کمک اٹ برجا ڈٹ آتا باندات و مون تروک اڑاند آتیا پورو گپ وتران کننگا۔ دیوان آن تران کرسا اسد عمر پارے کہ پلاننگ کمیشن وزارت/ایگزیکٹو ایجنسی تیکن پی ایس ڈی پی فنڈ انا برجا عمل اٹ پین آسانی ودی کرینے۔ وزارت نا وخت آ فنڈنگ آن ڈٹ آتیا ترندی اٹ عملدرآمد و الس ءِ دوئی مروک آ فائدہ غاتے پک کننگک۔ شونداری ڈٹ آتا وخت آ و آب اٹ پوروی آ ہچ ءُ سمجھوتہ اس کننگپک۔ اوپارے کہ وزارت تعلیم و کسبی تربیت نا تعلقدار کمامدارآتے دا پک کروئی مریک کہ امنائی ٹائم لائن تیا سختی اٹ عمل کیر۔
