وزیراعظم تون اوڑدہی ٹی ٹائیگر فورس انا آخبت نا بابت سلابت کرینٹ، وزیراعظم عمران خان ٹائیگر فورس انا منشاکار آتا کنونشن آن زوت تران کیک، خصوصی کمکار امور نوجوانان عثمان ڈار

اسلام آباد۔ 25 ستمبر (اے پی پی) وزیراعظم عمران خان نا خصوصی کمکار امور نوجوانان عثمان ڈار پارینے کہ وزیراعظم تون اوڑدہی ٹی او ٹائیگر فورس انا آخبت نا بابت سلابت کرینے، وزیراعظم عمران خان ٹائیگر فورس انا منشاکار آتا کنونشن آن زوت تران کیک۔ جمعہ نا دے آ وزیراعظم تون اوڑدہی آن پد جاری بیان اٹی اوپارے کہ وزیراعظم ورناتا بھلا کنونشن ءِ بٹنگ انگ نا پارت کرینے ہراٹی وزیراعظم ٹائیگر فورس منشاکار آتیکن آخبت نا روڈ میپ انا پڑو ءِ کیک۔ وزیراعظم ٹائیگر فورس انا منشاکارآتیٹی خصوصی سرٹیفکیٹ ہم بشخک۔ وزیراعظم نا خصوصی کمکار امور نوجوانان عثمان ڈار پارے کہ دا سرٹیفکیٹ آتے گچین کارکڑ نشان تروک آورناتے تننگک۔ ٹائیگر کنونشن زوت اسلام آباد اٹ مریک۔ وزیراعظم ورناتا کوشست آتا پبی امنا ءِ کرینے۔ وزیراعظم عمران خان پارے کہ ورناک ننا میرات ءُ آخبت کن راہشونی فراوان کینہ۔