سرمایہ کاری ءِ نیمگ ءَ راوی ریور فرنٹ اربن ڈویلپمنٹ پراجیکٹ ءُ بنڈل آئی لینڈ منصوبگ ءِ سر ءَ جھلانکیں واھگ داری وشیں گپ ات، جوڑیشت ءِ شوبگ ءِ دیمروئی ءَ چہ نا ایوک ءَ کاروباری چست ءُ ایر آناں دیمروئی رسیت ءُ نوکری ءِ موہ پیداک بیت، منصوبگ ءَ چہ دولت ءِ پیداوار ءُ معیشت ءِ برجائی ھم بوت کنت، حکومت کاروباری چست ءُ ایر آنی کشک ءَ استیں پینگ آناں اول سرئی بنیات ءَ گیواری کنگ ءِ واستہ جزمیگ انت،
اسلام آباد ۔ 24 ستمبر (اے پی پی) مزن وزیر عمران خان ءَ سرمایہ کاری آںینیمگ ءَ راوی ریور فرنٹ اربن ڈویلپمنٹ پراجیکٹ ءُ بنڈل آئی لینڈ منصوبگ آنی تہ ءَ جھلانکیں واھگ داری ءِ پد ءَ دل یکیمی ءِ درشان کتگ ءُ گوشتگ کہ ھندی سرمایہ کاری ءِ ارزشتی ایں منصوبگ آنی تہ ءَ واھگ داری وشیں گپ ات۔ جوڑیشت ءِ شوبگ ءَ دیمروئی ءَ چہ نا ایوک ءَ کاروباری چست ءُ ایر آناں دیمروئی رسیت ءُ نوکری ءِموہ پیداک بنت نوکری آنی موہ پیداک بنت بلکینگ ءَ ایشی ءَ چہ دولت ءِ پیداوار ءُ معیشت ءِ برجائی ھم بوت کنت۔ حکومت کاروباری چست ءُ ایر آنی کشک ءَ استیں پینگ آناں ترجی داتگیں بنیات ءَ گیوار کنگ ءِ واستہ جزمیگ انت۔ اے ھیالانی درشانی آئی ءَ ملک ءِ نامداریں سرمایہ کار ءُ کلانہ ایں کاروباری سروک آں گوں تران کنان ءَ کت۔ آواں پنچ شمبے ءِ روچ ءَ اداس آئی ءَ گوں گند ءُ نند کت۔ ڈل ءِ تہ ءَ عقیل کریم ڈھیڈی، عارف حبیب، عباس مختار، فواد مختار، فیصل آفریدی، گوہر اعجاز، میاں محمد احسن، مدثر محمود، طارق رفیع، عاصم محمود، سلمان اقبال ءُ ایندگر شریک اتنت۔ گونرر سندھ عمران اسماعیل، گورنر سٹیٹ بنک ڈاکٹر رضا باقر، چیئرمین نیا پاکستان ہائوسنگ اینڈ ڈویلپمنٹ اتھارٹی لیفٹنٹ جنرل (ر) انور علی حیدر ءُ ایندگر کلانہ ایں اپسرگ ساڑی اتنت۔ سرمایہ کار آنی نیمگ ءَ استیں حکومت ءِ دو ارزشتی ایں منصوبگ راوی ریورفرنٹ اربن ڈویلپمنٹ پراجیکٹ ءُ بنڈل آئی لینڈ منصوبگ آنی تہ ءَ جھلانکیں واھگ ءِ درشان کت۔ دیوان ءَ را گوشگ بوت کہ دوئیں منصوبگ آنی ھوالگ ءَ ٹرانزیکشن اسٹرکچر رد ءُ بند کنگ بوھگ ءَ انت۔
