ڈن ملک ءَ نندوکیں پاکستانی آناں ملک ءَ سرمایہ کاری ءَ را گہتریں موہ پجاری کنگ ءُ زرّ آنی شنگ ءُ تالان ءِ ھوالگ ءَ ھمک رنگیں آسراتی پجاری کنگ بہ بیت ءُ اے رد ءَ آسراتی دیگ بہ بیت
اسلام آباد ۔ 24 ستمبر (اے پی پی) مزن وزیر عمران خان ءَ پنت ءُ شون کت کہ ڈن ملک ءَ نندوکیں پاکستانی آناں ملک ءَ سرمایہ کاری ءِ گہتریں موہ پجاری کنگ ءُ ترسیلات ءِ زر ءِ ھوالگ ءَ ھمک رنگیں آسراتی پجاری کنگ بہ بیت ءُ اے رد ءَ آسراتی دیگ بہ بیت۔ اے پنت ءُ شون آئی ءَ پنچ شمبے ءِ روچ ءَ ترسیلات زر ءُ زر امبار آنی ملکی زر امبار آنی تہ ءَ گیشی ءِ ھوالگ ئَ دیوان ءِ سروکی ءَ کنان ءَ کت۔ دیوان ءَ مشیر ھزانگ ڈاکٹر عبدالحفیظ شیخ، سیکرٹری ھزانگ، گورنر سٹیٹ بکن ڈاکٹر رضا باقر ءُ کلانہ ایں اپسرگ آں بھر زوری کت۔ دیوان ءَ ررسیلات ءِ زر ءُ زر امبار آنی امبار ءُ بنزہ آنی گیشی ء، ھوالگ ءَ جتا جتائیں گامگیج ءُ شور ءُ مشور چار ءُ بچار کنگ بوت انت۔ مزن وزیر عمران خان ءَ دیوان ءَ گوں گشتانک دیان ءَ گوشت کہ ملکی معیشت ءِ برجائی ءُ گہتری ءِ واستہ برآمد، درآمد بدل (امپورٹ سبسٹی ٹیوشن )، گیر ملکی سرمایہ کاری، ترسیلات زر ءُ زر امبار آنی بنزھ آنی تہ ءَ گیشی باز ارزشتی انت پمے ھاترا حکومت اے نیمگ ءَ دیگ ءَ انت۔ مزن وزیر ءَ گوشت کہ ڈن ملک ءَ نندوکیں پاکستانی آناں ملک ءِ سرمایہ کاری ءِ گہتریں موہ پجاری کنگ ءُ ترسیلات زر ءِ ھوالگ ءَ ھمک رنگیں آسراتی پجاری کنگ بہ بیت ءُ اے رد ءَ آسراتی دیگ بہ بیت۔
