وائٹ کالر کرائم ءِ وسیلگ ءَ ھمک سال یک کھرب ڈالر ءِ ٹرانسفر بیت، گریب ءُ نوک دیمروئی کنوکیں ملک آں چہ دزتگیں زر آنی زوت واپسی کنگ بہ بیت، مئے حکومت ءَ کرپشن ءِ ھلاسی ءِ مینڈیٹ رستگ
اسلام آباد ۔ 24 ستمبر (اے پی پی) مزن وزیر عمران خان ءَ گوشت کہ وائٹ لالر کرائم ءِ وسیلگ ءَ ھمک سال یک کھرب ڈالر ءِ ٹرانسفر بیت، گریب ءُ نوک دیمروئی کنوکیں ملک آں چہ دزتگیں زر آناں زوت واپس کنگ بہ بیت۔ مئے حکومت ءَ را کرپشن ءِ ھلاسی ءِ مینڈیٹ رستگ۔ پنچ شمبے ءِ روچ ءَ مالیاتی کیاسگری ءُ ساپ ءُ سلہ ئی ءِ ھوالگ ءَ مزن تکی پینل ءَ گوشتانک دیان ءَ کت مزن وزیر عمران خان ءَ گوشت کہ پینل 2030 ءِ مھکمیں دیمروئی ءِ ایجڈا آنی پد ءُ رند ءِ واستہ موہ پجارین ایت۔ مزن وزیر ءَ گوشت کہ وائٹ لالر کرائم ءِ وسیلگ ءَ ھمک سال یک کھرب ڈالر ءِ ٹرانسفر کنگ بیت، میاں اوستمانی برات زر آنی گیر کانودی ٹرانسفر ءِ جیڈھ ءَ را جوانیں رد ءَ گامگیج بکن انت۔ مزن وزیر ءَ گوشت کہ گریب ءُ دیمروئی کنوکیں ملک آں چہ لُٹ تگیں زر آناں زوت واپس بکن انت۔ آئی ءَ گوشت کہ مئے حکومت ءَ را کرپشن ءِ ھلاسی ءِ مینڈیٹ رستگ، نوک دیمروئی کنوکیں ملک کورونا ھوپ ءِ سبب ءَ سک باز آماچ انت، نہ سرمایہ کاری ءِ منوگری آناں جوان ءَ مھکم کنگ لوٹ ایت۔ آئی ءَ گوشت کہ گیر کانودی زر آنی ٹرانسفر ءِ گر ءُ دار ءِ واستہ یونائیٹڈ نیشن ءَ آیوکیں باندات ءِ گامگیج جوڑ کنگ لوٹ ایت، جوانیں گامگیج کنگ ءَ ابید امیر ءُ گریب آنی نیام ءَ پرک گیش ود ایت۔
