اسلام آباد۔ 24 ستمبر (اے پی پی) نیشنل کمانڈ اینڈ آپریشن سینٹر (این سی او سی) کورونا دین انا بابت تازہ حساب وکتاب ءِ جاری کرینے۔ پنچ شنبے نادے آ این سی او سی آن جاری کروک حساب وکتاب نا رداٹ تدوک آ 24 گھنٹہ ٹی کورونا نا 799 ناجوڑ آتا ٹیسٹ مثبت بس و 3 ناجوڑ ہسپتال اٹی وخت اس کہ 2ناجوڑ اُراٹی قرنطینہ ٹی زوال کریر۔ تدوک آ 24 گھنٹہ ٹی کوویڈ۔ 19 نا 42 ہزار 299 ٹیسٹ کننگا ہرافتیان سندھ اٹی 18 ہزار 360، پنجاب اٹی 11 ہزار 53، خیبر پختونخوا ٹی 4 ہزار 627، اسلام آباد اٹی 6 ہزار 149، بلوچستان اٹی 1 ہزار 333، گلگت بلتستان اٹی 216، آزاد کشمیر اٹی 561ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 2 لکھ 94 ہزار 392 مسنے، آزاد کشمیر و بلوچستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کوویڈ۔ 19 نا ناجوڑ آتیکن جتا 1 ہزار 912 وینٹی لیٹر آتیا 103 ناجوڑ ءُ۔ مچ آ ملک اٹی کوویڈ۔ 19 نا ایکٹو کیس آتا کچ 7 ہزار 388ءِ۔ مچ آ ملک اٹی کورونا دین آن زہمی بندغ آتا کچ 3 لکھ 8 ہزار 217 ءِ ہرافتیان آزاد کشمیر اٹی 2 ہزار 591، بلوچستان اٹی 14 ہزار 765، گلگت بلتستان اٹی 3 ہزار 572، اسلام آباد اٹی 16 ہزار 288، خیبر پختونخواٹی 37 ہزار 470، پنجاب اٹی 98 ہزار 686و سندھ اٹی 1 لکھ 34 ہزار 845ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 6 ہزار 437ءِ ہرافتیان سندھ اٹی 2 ہزار 471 وخت اس کہ تدوک آ بیست ءُ چار گھنٹہ ٹی 2 ناجوڑ اُراٹی قرنطینہ ٹی دا دین انا سوب آن زوال کریر۔ پنجاب اٹی 2 ہزار 229 مرک وخت اس کہ تدوک آ بیست ءُ چار گھنٹہ ٹی 2 ناجوڑ ہسپتال آتیٹی دا دین انا سوب آن زوال کریر۔ خیبر پختونخوا ٹی 1 ہزار 258، اسلام آباد اٹی کل 181مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دا دین انا سوب آن زوال کرے۔ بلوچستان اٹی 145، گلگت بلتستان اٹی 83مرک مس، آزاد کشمیر اٹی دا دین آن 70 مرک مسنے۔ داتم اسکان مچ آ ملک اٹی کوویڈ۔ 19 نا 33 لکھ 6 ہزار 515 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 735 ہسپتال آتیٹی 872 ناجوڑ درمان مننگ ءُ۔
