اسلام آباد۔ 24 ستمبر (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ داسہ معلوم مس کہ مسلم لیگ (ن) نا راہشون محسن رانجھا نا سی سی پی او عمر شیخ آ غصہ کننگ نا سوب اونا اُراغان دُزی نا گاڈی تا دوئی مننگ ئس۔ پنچ شنبے نادے آ اسہ ٹویٹ اسے ٹی اوپارے کہ سرکاری آفیسر نا غلام اف کہ نی پارلیمنٹ نا کمیٹی ٹی بٹنگسا اونا بے عزتی ءِ کر۔ اوپارے کہ نی سوج کننگ کیسہ اونا کاریم نے ورندی تننگ ءِ۔ غصہ کننگ آن جوان ئسک کہ دُزی نا گاڈی تخپروسس۔
