وادی نیلم۔ 24 ستمبر (اے پی پی) وزیراعظم آزاد کشمیر راجہ فاروق حیدر خان پارینے کہ یخ انا ترند انگا موسم اٹ کنٹرول لین آ وطن نا دفاع نا خاطر ساڑی پاک فوج ءِ سلام پیش کینہ۔ پنچ شنبے نادے آ ایوان وزیراعظم میڈیا آفس آن جاری بیان نا رداٹ دورہ کنٹرول لین چندی ہند آتیا السی مچی تیان تران کرسا اوپارے کہ یخ انا ترندی آن پد ہم کنٹرول لین آ ننا دفاع کن ساڑی پاک فوج انا ورناتے سلام پیش کیوہ۔ لغور مودی دا سمجھک کہ کنٹرول لین آ کودک مخلوق ءِ شست کرسا اودے بھارت نا غیر کانودی کوزہ گیری ٹی جموں و کشمیر نا جہد آن مُر کیک، آزاد کشمیر خاص کر نیلم ویلی نا الس وطن نا دفاع کن پاک فوج اتون ہم کوپہ سلوک ءُ۔ وزیراعظم پارے کہ آزاد کشمیر اٹ کنٹرول لین آ 5 کلومیٹر نا علاقہ ٹی 6 لکھ بندغ آباد ءُ۔ کنٹرول لین آ دلیری اٹ ہندوستانی جارحیت نا مون آ سینہ سپر الس ءِ سلام پیش کننگ کن بسونٹ۔ راجہ فاروق حیدر پارے کہ آزاد کشمیر نا حکومت و غٹ وسیلہ غاک دامخلوق کن حاضر ءُ۔ مودی جارحیت کرے تو کنٹرول لین آ ہندوستانی فوج انا قبرستان مریک۔
