اسلام آباد ۔ 24 ستمبر (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ مزن وزیر عمران خان ءِ تل پچیں پنت ءُ شون ءِ پد ءَ سیاسی بندوکی ءَ چہ برز تر بوھان ءَ پاکستان سیٹزن پورٹل، کامیات ورنا پروگرام وٹیں گامگیج آنی وسیلگ ءَ چاگرد ءِ ھمک تبک ءِ مردم آناں آسراتی پجاری کنگ ءَ انت، السی ازمت آنی اے گامگیج آں چہ حکومت ءُ الس ءِ نیام ءَ گستائی ھلاس بنت، شہری گس ءِ تہ ءَ چہ وتی شکاست آناں درج کت کناں اے مزن وزیر کارگس ءَ چہ سیادی داروکیں ادارگ آناں روان دیگ بنت، کامیات ورنا پروگرام، سیٹزن پورٹل وڑیں السی ازمت منصوبگ کامیاتی ءَ گوں جاڑی انت۔ آ پنچ شمبے ءِ روچ ءَ مزن وزیر کارگس ءِ پاکستان سیٹزن پورٹل ءِ ہیلپ لائن ءِ بنگیجی مراگش ءَ گشتانک دیان ءَ کت۔ بنجاھی وزیر اھوالکاری ءُ شنگ کاری سینیٹر شبلی فراز ءَ بٹن جت ءُ پاکستان سیٹزن پورٹل ءِ ہیلپ لائن 0519000111 ءِ یک شلی ءَ بنگیج کت۔ پاکستان سیٹزن پورٹل ءِ کارندہ آں بنجاھی وزیر ءَ را انوگ ءَ تاں پورٹل ءِ گوما رجسٹرڈ بوھوکیں مردم آنی کساس، شکاست ءُ ایشانی گیوار کنگ ءِ ھوالگ ءَ بریفنگ دات۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ پاکستان سیٹزن پورٹل ءِ ٹیمب شپ ءُ روچ ازمت کنگ ءَ آں ایشانی بدولت ءَ لکھ آنی مردم اے پورٹل ءِ وسیلگ ءَ وتی شکاست آناں درج کتگ ایشی ءِ سر ءَ سیٹزن پورٹل ءِ ٹیمب مبارک بات ءِ لائک انت۔ آئی ءَ گوشت کہ مزن وزیر عمران خان ءِ واھشت انت کہ الس ءِ نیمگ ءَ حکومتی ادارگ آنی ھوالگ ءَ شکاست آناں ترجی داتگیں بنیات ءَ گیوار کنگ بہ بیت، ھرچ مردم ءِ معاشی مول ءُ مراد آنی سبب ءَ جتا جتائیں پینگ آنی سبب ءَ اداررگ آں رواں شکاست آناں درج کت نہ کناں آوانی واستہ گہتریں فورم ات کہ گس ءِ تہ ءَ چہ شکاست جم کت کناں۔ آئی ءَ گوشت کہ انوگ ءَ تاں 29 لکھ مردم پاکستان سیٹزن پورٹل ءِ گوما رجسٹرڈ انت، 25 لکھ درج بوھوکیں شکاست آنی تہ ءَ 24 لکھ شکاست آنی گیواری بوتگ وھدیکہ گیوار بوتگیں شکاست آنی تہ ءَ 5 لکھ 66 ہزار مردم آناں فیڈ بیک گرگ بیت ایشی ءِ تہ ءَ اے مردم آناں منگ اتگ ءُ پکو کتگ کہ آوانی شکاست گیوار کنگ بوتگ انت ءُ اے مردم 100 درسد دلجم انت۔ آئی ءَ گوشت کہ ٹیکنالوجی ءِ اے دور ءَ شہری حکومتی ادارگ آنی ھوالگ ءَ شکاست پاکستان سیٹزن پورٹل ءِ سر ءَ درج کنائینت گڈا آ شکاست مزن وزیر کارگس ءِ سیادی داروکیں ادارگ ءَ تاں رواں ءُ کمیگ ءَ چہ پد گیوار کنگ بنت۔ آئی ءَ گوشت کہ پاکستان سیٹزن پورٹل ءِ سر ء۔ درج بوتگیں شکاست، آنی گیواری ءِ کساس ءَ ھوار ایندگر توامیں کار آنی ھوالگ ءَ ھمک روچ ءِ بنیات ءَ مزن وزیر عمرا خان ءَ را سرپد کنگ بیت، مزن وزیر ءَ تل پچی ءَ پنت ءُ شونگ کتگ کہ توامیں شکاست آںی گیواری دل یکیمی کنگ بہ بیت۔ آئی ء۔ گوشت کہ پاکستان سیٹزن پورٹل ءِ فنگر پرنٹس ءِ جیڈھ، کجام ھم نمونگ ءِ ابنارملٹی ءَ ھوار ھمک تبک ءِ سر بوھگ ءُ رسگ ءَ را دل یکیمی جوڑ کنگ بوتگ۔
