اسلام آباد ۔ 23 ستمبر (اے پی پی)بنجاھی ادارگ آنی کمپلینٹ سیلز (شکاست سیل) ءَ را پاکستان سٹیزن پورٹل ءَ گوں بندوک کنگ ءِ پیسلہ کنگ بوت ایشی یے مزن وزیر عمران خان ءَ ”ون ونڈو کمپلینٹ سسٹم“ منظوری داتگ ءُ مزن وزیر کارگس ءَ بنجاھی وزارت آناں نمدی جاڑی کتگ۔ مزن وزیر کارگس ءِ نیمگ ءَ چہ جاڑی بوتگیں بیان ءِ رد ءَ مزن وزیر ءَ گتوامیں کمپلینٹ سیلز آناں یک بنجاھ نظام ءِ جوڑ کنگ ءِ پنت ءُ شون داتگ۔ بنداتی رنگ ءَ بنجاھی وزارت آنی 33 شکاست سیل بندوک کنگ بیت۔ مزن وزیر ءِ جتا جتائیں شکاست آنی سیلز آنی ون ونڈو آپریشن ءِ سر ءَ 60 روچ ءَ کار سرجم کنگ ءِ پنت ءُ شون کتگ۔ مزن وزیر ءِ اے گامگیج ءَ چہ شکاست درج کنوکیں نظام برجم بیت۔ جتا جتائیں بنجاھی ادارگ آنی کمپلینٹ سیلز کار کنگ ءَ آں۔ شکاست آنی ھوالگ ءَ اے وت مہ وتی ءُ مھکمیں رابطہ آنی رد ءَ یونیورسل نظام ءِ سک باز ضلورت انت۔ اے نظام الس ءِ مشکل ءُ شکاست آناں مھکمیں رنگ ءَ گیوار کنگ ءِ واستہ کمکار سہرا بنت۔ شہری آناں ھمک رنگیں شکاست آناں میرٹ ءِ سر ءَ گیوار کنگ بیت۔ مزن وزیر کارگس ءِ رد ءَ ون ونڈو آپریشن ءِ وسیلگ ءَ شہر آناں اے شکاست آنی گیواری ءِ ھوالگ ءَ سرپدی رسیت۔ وھد ءُ آسراتی آنی گوما تھرڈ پارٹی آڈٹ ءِ نظام جوانیں سہرا بنت۔
