فوڈ سکیورٹی ءَ را دل یکیمی جوڑ کنگ اولی کار انت، کشت ءُ کشاری شوبگ ءِ گہتری ، پیداوار ءِ تہ ءَ گیشی ءُ شوبگ ءَ را نوکیں رھبند آنی رد ءَ کنگ ءِ واستہ ایکشن پلان پیش کنگ بہ بیتت
اسلام آباد ۔ 23 ستمبر (اے پی پی) مزن وزیر عمران خان ءَ گوشت کہ فوڈ سیکورٹی ءَ را دل یکیمی جوڑ کنگ مئے اولی کار انت، کشت ءُ کشاری شوبگ ءِ گہتری، پیداوار ءِ تہ ءَ گیشی ءُ شوبگ ءَ را نوکیں رھبند آنی رد ءَ کنگ ءِ واستہ ایکشن پلان پیش کنگ بہ بیت۔ اے ھیالانی درشانی چار شمبے ءِ روچ ءَ وتی سروکی ءَ کشت ءُ کشاری شوبگ ءِ گہتری ھاسیں رنگ ءَ کشت ءُ کشاری پیداوار ءِ تہ ءَ گیشی ءُ فوڈ سیکورٹی ءِ چیلنجز آں گوں گیش ءُ گیواری کنگ ءِ واستہ گامگیج آنی بابت چار ءُ تپاسی دیوان ءَ گوں گشتانک دیان ءَ کت۔ دیوان ءَ وزیر برائے فوڈ سیکورٹی سید فخر امام، وزیرِ اھوالکاری ءُ شنگ کاری سینیٹر شبلی فراز، ھاسیں کمکار ڈاکٹر شہباز گل، سیکرٹری نیشنل فوڈ سکیورٹی عمر حمید خان ءُ کشت ءُ کشاری شوبگ ءَ گوں سیادی داروکیں اپسرگ آں بھر زوری کت۔ دیوان ءَ ملک ءِ گیش ودوکیں آباتی بوت آباتی ءِ رد ءَ فوڈ سیکورٹی ءِ ھوالگ ءَ استیں جیڈھ، ءُ جتا جتائیں کشت ءُ کشاری توم آنی پیداوار ءِ استیں جاور ھال، مزن وزیرر ایگریکلچر ایمرجنسی پروگرام ءِ رد ءِ دیمروئی، جتا جتائیں توام آنی گیش رون ءُ کشت ءُ کشاری شوبگ ءَ نوکیں رھبند آنی رد ءَ آرگ ءِ ھوالگ ءَ سرجمیں بریفنگ دیگ بوت۔ مزن وزیر عمران خان ءَ دیوان ءَ گوں گشتانک دیان ءَ گوشت کہ فوڈ سیکورٹی ءَ را دل یکیمی جوڑ کنگ اولی کار انت۔ آئی ءَ گوشت کہ کشت ءُ کشاری شوبگ ءِ گہتری، پیداوار ءِ تہ ءَ گیشی ءُ شوبگگ ءَ را نوکیں رھبند آنی رد ءَ آرگ ءِ واستہ رد ءُ بند کتگیں میڈیم ءُ لانگ ٹرم منصوبگ آنی ھوالگ ءَ ٹائم لائنز آنی ایکشن پلان پیش کنگ بہ بیت۔ مزن وزیر ءَ جتا جتائیں توم آنی پیداوار ءِ کساس ءُ کچ ءِ ھوالگ ءَ راستیں ، پکوئیں ءُ لائک بیسہ کنگی ڈیٹا ءِ ھوالگ ءَ پنت ءُ شون کت کہ توامیں صوبائی حکومت ءُ سیادی داروکیں محکمہ آنی کمک ءَ چہ وزارت فوڈ سیکورٹی ءَ نیشنل فوڈ سیکورٹی ڈیشن بورڈ برجا کنگ ءِ کار ءَ را ترند کنگ بیت۔ مزن وزیر ءَ زور پر دات کہ توامیں سٹیک ہولڈرز آں ھوار ریسرچ ادارگ، یونیورسٹی ءُ سیادی داروکیں ادارگ آنی نیام ءَ کوآرڈینیشن ءَ را گیش برجم ءُ اے ھوالگ ءَ مھکمیں نظام جوڑ کنگ بہ بیت۔ مزن وزیر ءَ گوشت کہ زیتون، ڈال ، ءُ ایندگر ھمروچگیں ضلورتی سامان آنی درآمد ءِ وسیلگ ءَ سرجم کنگ بنت دھکان آناں اے رنگیں دان آنی نیمگ ءَ دلگوش کنگ بہ بیت ءُ اے رد ءَ اے توامیں لوٹ بوتگیں کمک پجاری کنگ بہ بنت۔
