مزن وزیر عمران خان ءِ سروکی ءَ استیں حکومت آزاتی ءَ گوں وتی درشان کنگ ءِ بنیاتی ھک ءِ سر ءَ سرجمیں رنگ ءَ دل یکیمی دار ایت، اھوالکار آنی گہبود ءُ آوانی ھک آنی رکھینگ ءِ واستہ ھمک ساھت جوانیں کرد پیلو کنگ ءِ واستہ تیار انت
اسلام آباد ۔ 23 ستمبر (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ مزن وزیر عمران خان ءِ سوروکی ءَ استیں حکومت آزاتی ءَ گوں وتی درشان کنگ ءِ بنیاتی ھک ءِ سر ءَ سرجمیں رنگ ءَ دل یکیمی دار ایت، اھوالکارانی گہبود ءُ آوانی ھک ءِ رکھینگ ءِ واستہ ھمک ساھت جوانیں کرد پیلو کنگ ءِ واستہ تیار انت۔ آ چار شمبے ءِ روچ ءَ نیشنل پریس کلب ءِ صدر شکیل انجم ءَ گوں تران کنگ ءَ ات۔ این پی سی ءِ صدر شکیل انجم ءَ وزیر ء، اھوالکاری ءَ اھوالکار آنی جیڈھ آنی بابت ءَ سرپد کت۔ وزیر ءِ اھوالکاری ءُ شنگ کاری سینیٹر شبلی فراز ءَ گوشت کہ اھوالکار آنی پگار آنی جیڈھ گیواری ءِ واستہ نماھندگیں گل آناں وتی کرد ءِ پیلو کنگ ءُ وتی ممبر شپ ءِ کار رپک ءِ تہ ءَ گہتری بیار انت۔ آئی ءَ گوشت کہ اے گہتری ورکنگ جرنلسٹس ءِ دلبڈی ءُ میڈیا باسک آنی گہبود ءُ جیڈھ ءِ گیواری ءِ واستہ کمکار سہرا بنت۔ گند ءُ نند ءَ پرنپل انفارمیشن آفیسر شاہیرہ شاہد ھم ساڑی ات۔
