ہندی حکومت آتا واکدار نظام اس جوڑ مننگ اسکان سندھ انا شار تا ویل آک ایسر مفسہ، بنجائی وزیر ڈٹ بندی ، شونداری، اصلاحات و خصوصی گام گیج اسد عمر نا ٹویٹ

اسلام آباد۔ 23 ستمبر (اے پی پی) بنجائی وزیر ڈٹ بندی، شونداری، اصلاحات و خصوصی گام گیج اسد عمر پارینے کہ اینو پی ٹی آئی نا سپریم کورٹ اٹ درخواست نا سماعت مس ہراٹی نن سندھ انا ہندی حکومت نا نظام ءِ چیلنج کرینن۔ چارشنبے نادے آ تینا ٹویٹ اٹی اوپارے کہ ہراتم اسکان آئین نا حقی وڑاٹ ہندی حکومت نا واکدار نظام اس جوڑ مفک وسیلہ غاتا بشخنگ انصاف نا بنداو آ مفک۔ کراچی تون اوار سندھ انا شار تا ویل آک ایسر مفسہ۔