اسلام آباد۔ 23 ستمبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ انصاف و اصول آتا بنداو آ جموں کشمیر نا جھیڑہ نا ایسری کن اسہ وار ولدا پاش آن پاش مخ تفی کننگ آ ترک صدر نا منت واری ءِ ہرفنہ۔ چارشنبے نادے آ تینا ٹویٹ اٹی وزیر حوالکاری و شینکاری سینیٹر شبلی فراز پارے کہ ترکی نا کشمیری تا حق اکن توار بڑز کننگ داموقف نا جیت ءِ کہ اقوام متحدہ سلامتی کونسل نا قرارداد آتا رداٹ کشمیری تے اوفتا حق خودارادیت ترفنگ نا قول ءِ پورو کے۔
