اسلام آباد۔ 23 ستمبر (اے پی پی) بنجائی ادارہ غاتا کمپلینٹ سیلز(غاوسیل) ءِ پاکستان سٹیزن پورٹل تون گنڈنگ نا فیصلہءِ کننگا ہرانا وزیراعظم عمران خان ’’ون ونڈو کمپلینٹ سسٹم‘‘ نا منظوری ءِ تسنے و وزیراعظم آفس بنجائی وزارت آتے مراسلہ جاری کرینے۔ وزیراعظم آفس آن جاری بیان نا رداٹ وزیراعظم غٹ کمپلینٹ سیل آتا اسہ ہندی نظام اس جوڑ کننگ نا پارت کرینے۔ بنائی وڑاٹ بنجائی وزارت آتا 33 غاو سیل منسلک کننگک۔ وزیراعظم نا چندی غاوی سیل آتا ون ونڈو آپریشن آ 60 دے اٹی کاریم ءِ پورو کننگ نا پارت کرینے۔ وزیراعظم نا دام گام آن غاو درج کرفنگ نا نظام سوگو مریک۔ چندی بنجائی ادارہ غاتیٹی کمپلینٹ سیل کاریم کننگ ءُ۔ غاوتا بابت اسہ تین پہ تینی و سوگو رابطہ غاتیا تالان یونیورسل نظام نا سخت گرج ءِ۔ دا نظام الس نا مشکل و غاوتے گچین وڑاٹ ایسر کننگ کن کمکار مریک۔ شاری تا ہروڑنا غاوتے میرٹ آ ایسر کننگک۔ وزیراعظم آفس نا رداٹ ون ونڈو آپریشن نا کمک اٹ شاری تے اوفتا غاوتا ایسری نا بابت آگاہی رسینگک۔ وخت و وسیلہ غاتا بچت تون تھرڈ پارٹی آڈٹ نا نظام گچین پک مریک۔
