اسلام آباد۔ 23 ستمبر (اے پی پی) پاکستان کسٹم ’’ممنوعہ‘‘ کیمیکل ملک آن پیشن دننگ نا کوشست ءِ بے سہب کرے۔ فیڈرل بورڈ آف ریونیو(ایف بی آر) نا ترجمان پارے کہ پاکستان کسٹم علامہ اقبال انٹرنیشنل ایئر پورٹ آ 6.2 کلو گرام ’’ممنوعہ‘‘ کیمیکل کیٹامین نا پیشن نا ملک اسمگلنگ نا کوشست ءِ بے سہب کرینے۔ کیٹا مین اسہ ’’ممنوعہ‘‘ کیمیائی مواد اسے ہرادے سائیکو ٹرافک ڈرگ انا وڑاٹ کاریم اٹ اتنگک۔ اوپارے کہ ’’ممنوعہ‘‘ کیمیائی مواد ءِ منقش پلاسٹک نا پیپ اٹ اودیم کرسا دننگ نا کوشست کننگاکہ۔ کوزہ ٹی ہلوک آ کیٹامین نا نرخ 20 لکھ روپئی ءِ۔
