اسلام آباد۔ 23 ستمبر (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ ترک صدر اقوام متحدہ نا جنرل اسمبلی نا تران اٹی کشمیر نا ویل ءِ پبی تالان کرینے، کشمیر نا ویل آ ترکی مدام پاکستان و کشمیری تا موقف نا پبی مخ تفی ءِ کرینے۔ علی امین گنڈاپور پارے کہ مچ آ پاکستانی قوم کشمیر نا ویل آ ترکی نا کڑد ءِ قدر انا نظر اٹ ہرک، ہڑتوم آملک آک مذہب، تہذیب و ایلمی نا سوگو رشتہ غاتیٹی گنڈوک ءُ۔ آخبت اٹ پاکستان و ترکی نا رشتہ پین سوگو مریک۔ علی امین گنڈاپور پارے کہ کشمیر نا ویل انا ایسری کن دنیا ءِ اقوام متحدہ نا قرارداد آتیا عملدرآمد کرفوئی مریک۔ وزیراعظم عمران خان اقوام متحدہ نا جنرل اسمبلی نا تران اٹی کشمیر نا ویل ءِ پبی وڑاٹ تالان کیک۔
