پیپلز پارٹی ءُ مسلم لیگ (ن) ءِ تر ءُ تاب ءَ بنجاھی کابینہ ءُ کابینہ کمیٹی ءِ دیوان آنی کساس سک باز کم بوتگ، بنجاھی وزیر اھوالکاری ءُ شنگ کاری سینیٹر شبلی فراز
اسلام آباد ۔ 22 ستمبر (اے پی پی) بنجاھی وزیر عمران خان ءِ سروکی ءَ پاکستان تحریک انصاف ءِ 2 سالی سروکی ءِ زمانگ ءَ بنجاھی کابینہ ءِ 50، وھدیکہ کایبنہ کمیٹی ءِ 708 دیوان برجم دارگ بوت۔ پیپلز پارٹی ءُ مسلم لیگ (ن) ءِ سروکی ءِ ساھت ءَ بنجاھی کابینہ ءُ کابینہ کمیٹی ءِ دیوان آنی کساس سک باز کم بوتگ۔ بنجاھی وزیر اھوالکاری ءُ شنگ کاری سینیٹر شبلی فراز ءَ برینفگ ءِ ساھت ءَ گوشت کہ استیں حکومت ءِ 2 سال ءِ ساھت ءَ کابینہ ءِ 50 دیوان بوتگ۔ پیپلز پارٹی ءِ دور ءَ کساس 26 وھدیکہ مسلم لیگ (ن) ءِ دور ءَ ایوک ءَ 8 دیوان بوتگ۔ استیں حکومت ءَ کابینہ کمیٹی ءِ 708 دیوان بوتگ۔ پیپلز پارٹی ءِ دور ءَ کابینہ کمیٹی آںی 266 وھدیکہ مسلم لیگ ءِ دور ءَ 160 دیوان بوتگ۔
