آیوکیں لستیں ماہ آنی تہ ءَ گیس ءِ لوٹ ءُ رسگ ءِ تہ ءَ پرک ءِ رد ءَ الس آناں گیس ءِ استیں بچت ءِ ھوالگ ءَ جوانیں سرپدی گامگیج کنگ بہ بیت، مزن وزیر عمران خان
اسلام آباد ۔ 22 ستمبر (اے پی پی) مزن وزیر عمران خان ءِ سروکی ءَ ملک ءَ گیس ءِ لوٹ ءُ رسگ ءِ استیں جاور ھال ءُ آیوکیں لستیں ماہ ءِ جاور ھال آںی ھوالگ ءَ چار ءُ تپاسی دیوان سئے شمبے ءَ ادا اسلام آباد ءَ بوت۔ دیوان ءَ وزیر ءِ صنعت محمد حماد اظہر، وزیرِ منصوبگ بندی اسد عمر، وزیرِ ھاٹیگ عمر ایوب، مشیر ھزانگ ڈاکٹر عبدالحفیظ شیخ، مشیر تجارت عبدالرزاق دائود، ھاسیں کمکار برائے پٹرولیم ندیم بابر ءُ ایندگر کلانہ ایں اپسرگ آں بھر زوری کت۔ مزن وزیر میڈیا کارگس ءِ رد ءَ دیوان ءَ ملک ءِ گیس ءِ لوٹ ءُ رسگ ءِ استیں جاور ھال ، ھندی گیس ءِ پیداوار ءَ بوھوکیں کمک، گیس ءِ لوٹ ءَ را پیلو کنگ ءِ ھوالگ ءَ کتگیں انتظامی آںی بابت ءَ سرجمیں بریفنگ دیگ بوت۔ دیوان ءَ را آیوکیں لستیں ماھ ھاسیں رنگ ءَ دسمبر ءُ جنوری ءَ گیس ءِ لوٹ ءُ رسگ ءِ تہ ءَ پرک ءُ ایشی ءِ جاور ھال آنی گر ءُ دار کنگ ءِ ھوالگ ءَ ضلوری گامگیج آنی بابت ءَ سرپد کنگ بوت۔
