مزن وزیر عمران خان ءِ سروکی ءَ بنجاھی کابینہ ءِ دیوان برجم
اینٹی کینسر، کارڈیک ڈرگز ءُ زندمان ءِ رکھینوکیں درما ن آنی درآمد کنگ ءِ سر ءَ بندش ءَ چہ شید ءُ بید کنگ بوتگ، کوویڈ 19 ءَ چہ رکھینگ ءِ دوا ءِ نیاد 10873 ءَ چہ کم کنان ءَ 8244 کلدار کنگ، کنٹونمنٹ بورڈ ءِ نوکیں ممبر پوسٹ کنگ ءِ منظور دیگ بوت
اسلام آباد ۔ 22 ستمبر (اے پی پی) بنجاھی کابینہ ءَ اینٹی کینسر، کارڈیک ڈرگز ءُ زندمان ءَ را رکھینوکیں درمان ءُ ایندگر چیز آنی دآمد کنگ ءِ بازیں شرط آنی چیر دستیءَ کابینہ بندش آچہ شید ءُ بید کنگ ءِ شور ءُ سلاھ، کوویڈ 19 ءَ چہ رکھینگ ءِ دوا ءِ نیاد 10.873 ءَ چہ کم کنان ءَ 8244 کلدار کنگ، کنٹونمنٹ بورڈ ءِ نوکیں ممبر پوسٹ کنگ ءِ ھوالگ ئَ پیش کتگیں شور ءُ سلاھ ءُ 7 جتا جتائیں کنٹونمنٹس ءِ ری کلاسیفیکیشن ءِ منظوری دات، کابینہ ءَ 94 درمان آنی جوانیں نیاد ءِ گیشینگ ءِ منظوری ھم دات، اے نیاد 30 جون 2021 ءَ تاں ھمے بنت، بنجاھی کابینہ ءَ را اینٹی ریپ انویسٹی گیشن اینڈ پراسیکیوشن ءِ استیں بل ءِ بابت ءَ بریفنگ دیگ بوت۔ اے استیں کانود ءِ مول ءُ مراد جنسی جرم آنی جوانیں گر ءُ دار ، مجرم آناں آسر ءَ تاں پجارینگ ءَ را دل یکیمی سر کنگ، پٹ ءُ پول ءِ ساھت ءَ زالبول ءِ شرپ ءُ ازت ءِ برجائی ، کیس ءِ پٹ ءُ پول ءَ نوکیں ٹیکنالوجی ءِ کارمردی ءُ جنسی کرائم آنی ھوالگ ءَ سزا آنی تہ ءَ ترندی آرگ بیت، مزن وزیر ءَ وزیر ءِ منصوبگ بندی ءُ وزیر ءِ ھاٹیگ ءَ را پنت ءُ شون کگ کہ پاور سیکٹر ریفامز ءِ ھوالگ ءَ روڈ میپ ءِ ھوالگ ءَ الس آناں سرپد کنگ بہ بیت۔ بنجاھی وزیر اھوالکاری ءُ شنگ کاری سینیٹر شبلی فراز سئے شمبے ءَ مزن وزیر عمران خان ءِ سروکی ءَ بنجاھی کابینہ ءِ دیوان ءَ چہ پد ھاسیں کمکار برائے نیشنل ہیلتھ سروسز ڈاکٹر فیصل سلطان ءِ ھمبراھی ءَ میڈیا ءَ را بریفنگ دیگ ءَ ات۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ اسلام آباد ماڈل جیل ءِ جیڈھ ءِ کابینہ ءِ استیں پیسلہ ءِ رد ءَ دیوان ءِ دلگوش گوستگیں وھد ءَ سپریم کورٹ آف پاکستان ءِ نیمگ ءَ داتگیں پنت ءُ شون ءِ نیمگ ءَ دلگوش کنگ بوت۔ کابینہ ءَ گوشت کہ گرین ایریاز آنی جوڑیشت ءِ ھوالگ ءَ کابینہ ءِ بن گپ پراھ ءُ شاھیگانی ءَ سہرا انت پدا ھم اے ھوالگ ءَ توامیں ھک شرپ مندیں آمید گس ءِ دیم ءَ پیش کنگ بہ بنت ءُ آئی ءِ پنت ءُ شون ءِ رد ءَ کار کنگ بہ بیت۔ مشیر توکی کار ءِ نیمگ ءَ رٹ پٹیشن نمبر 2020/2407 ءَ اسلام آباد ہائی کورٹ ءِ پنت ءُ شون ءِ ھوالگ ءَ کابینہ ءَ را بریف کنگ بوت۔ کابینہ ڈویژن ءِ ورکنگ ءِ ھوالگ ءَ جیڈھ آنی آٹومیشن ءِ ھوالگ ءَ دیوان ءَ را بریفنگ دیگ بوت۔ کابینہ ءَ کنٹونمنٹس ایکٹ 1924 ءِ چیر دستی ءَ ھپت جتائیں کنٹونمنٹس ءِ ری کلاسیفیکیشن ءِ منظوری دات۔
