ایوان صدر اٹ دود، صدر مملکت ڈاکٹر عارف علوی چین نا دزکش مروک آ سفیر یاؤ جنگ ءِ ’’ہلال پاکستان‘‘ تس

اسلام آباد۔ 22 ستمبر (اے پی پی) صدر مملکت ڈاکٹر عارف علوی پاکستان اٹ چین نا دزکش مروک آ سفیر یاؤجنگ ءِ ہڑتوم آ ملک آتا نیام اٹ تعلقداری تے سوگو کننگ کن خذمت آتا رداٹ ’’ہلال پاکستان‘‘ تس۔ دا بابت اسہ پروقار ءُ دود اس سے شنبے نادے آ ایوان صدر اٹ مس۔ دود اٹی صدر مملکت ڈاکٹر عارف علوی پاکستان اٹ چین نا دزکش مروک آ سفیر یاؤ جنگ ءِ پاکستان نا قومی فائدہ غاتیٹی نمان شریداری آ پاکستانی الس نا کنڈآن بڑزکو سول ایوارڈ ہلال پاکستان تس۔ دود اٹ چیئرمین سینیٹ محمد صادق سنجرانی، اسپیکر قومی اسمبلی اسد قیصر، بنجائی وزیرآک و ایلو بڑزکو کمامدارآک ساڑی ئسر۔