اسلام آباد۔ 22 ستمبر (اے پی پی) بنجائی وزیر امور کشمیر و گلگت بلتستان علی امین گنڈاپور پارینے کہ بنجائی حکومت گلگت بلتستان اٹی شونداری ڈٹ آتے اولیتی بنداو تیا پورو کننگ ءِ، گلگت بلتستان آخبت اٹ پاکستان نا زرگزرانی حب انا وڑاٹ مون آ بریک۔ داخیال آتا درشانی ءِ او نگران وزیراعلیٰ گلگت بلتستان میر افضل تون گپ وتران کرسا کرے ہراسے شنبے نادے آ داڑے اوڑتون اوڑدہی کرے۔ اوڑدہی ٹی گلگت بلتستان اٹ امن و ایمنی و برجا شونداری ڈٹ آتا بابت گپ وتران کرسا بنجائی وزیر پارے کہ بنجائی حکومت گلگت بلتستان اٹ شونداری ڈٹ آتے اولیتی بنداو تیا پورو کننگ ءِ، گلگت بلتستان آخبت اٹ پاکستان نا زرگزرانی حب انا وڑاٹ مون آ بریک۔ اوپارے کہ سی پیک، سیل و سوات و معدنیات آتا بابت گلگت بلتستان اٹ بے پنا لائخی ارے۔ گلگت بلتستان نا شونداری و شونہالی نا بابت بنجائی حکومت نا کوشست آتا سفت نا قابل ءُ۔
