بیست ءُ چار گھنٹہ ٹی کورونا نا 582 کیس، 4 ناجوڑ ہسپتال اٹی زوال ، 24 گھنٹہ ٹی کوویڈ۔ 19 نا 36 ہزار 155 ٹیسٹ کننگا، این سی او سی

اسلام آباد۔ 22 ستمبر (اے پی پی) نیشنل کمانڈ اینڈ آپریشن سینٹر (این سی او سی) کورونا دین انا بابت تازہ انگا حساب وکتاب ءِ جاری کرینے۔ سے شنبے نادے آ این سی او سی آن جاری کروک حساب وکتاب نا رداٹ تدوک آ 24 گھنٹہ ٹی کورونا نا 582 ناجوڑ آتا ٹیسٹ مثبت بس و 4 ناجوڑ ہسپتال اٹی زوال کریر۔ تدوک آ 24 گھنٹہ ٹی کوویڈ۔ 19 نا 36 ہزار 155 ٹیسٹ کننگا ہرافتیان سندھ اٹی 15 ہزار 211، پنجاب اٹی 12 ہزار 534، خیبر پختونخوا ٹی 3 ہزار 345، اسلام آباد اٹی 3 ہزار 280، بلوچستان اٹی 1 ہزار 171، گلگت بلتستان اٹی 304، آزاد کشمیر اٹی 310 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 2لکھ 932 ہزار 159 مسنے۔ آزاد کشمیر و بلوچستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کورونا کوویڈ۔ 19 کن جتا 1 ہزار 912 وینٹی لیٹر آتیا کوویڈ۔ 19 نا 106 ناجوڑ ءُ۔ مچ آ ملک اٹی کوویڈ۔ 19 نا ایکٹو کیس آتا کچ 7 ہزار 303 ءِ۔ مچ آ ملک اٹی کورونا وائرس آن زہمی بندغ آتا کچ 3 لکھ 6 ہزار 886 ءِ ہرافتیان آزاد کشمیراٹ 2 ہزار 550، بلوچستان اٹ 14 ہزار 499، گلگت بلتستان اٹ 3 ہزار 513، اسلام آباد اٹ 16 ہزار 207، خیبر پختونخوا ٹی 37 ہزار 387، پنجاب اٹی 98 ہزار 487 و سندھ اٹ 1 لکھ 34 ہزار 243 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 6 ہزار 424 ءِ ہرافتیان سندھ اٹ 2 ہزار 463 وخت اس کہ تدوک آ بیست ءُ چار گھنٹہ ٹی 3 ناجوڑ ہسپتال آتیٹی دا دین انا سوب آن زوال کریر۔ پنجاب اٹ 2 ہزار 227 مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹ دا دین انا سوب آن زوال کرے۔ خیبر پختونخوا ٹی 1 ہزار 258، اسلام آباد اٹ کل 180 مرک، بلوچستان اٹ 145، گلگت بلتستان اٹ 82مرک مس۔ آزاد کشمیر اٹ دا دین آن 69 مرک مسنے۔ داتم اسکان مچ آ ملک اٹی کوویڈ۔ 19 نا 32 لکھ 30 ہزار 472 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 735 ہسپتال آتیٹی 868 ناجوڑ درمان مننگ ءُ۔