اسلام آباد ۔ 21 ستمبر (اے پی پی) صدر مملکت ڈاکٹر عارف علوی ءَ نیک راھ آنی وت مہ وت نزیکی، یکوئی ءِ سر ءَ زور پردات ءُ گوشت کہ مارا یک راجے جوڑ بوھگ ءِ واستہ کشاں چیل آں چہ بچگ ءُ رکھگ لوٹ ایت، قائداعظم محمد علی جناح ءَ وتی گشتانک آنی تہ ءَ مدام کشاں چیل ءَ چہ رکھگ ءِ سبک داتگ، راج یک مشت بوھان ءَ کورونا ھوپ، ناشرکاری ءُ کشاں چیل ءَ را شکست داتگ، بھارتی حکومت ءَ وتی ھرابیں گامگیج آنی سبب ءَ کُنت ءِ کورچات ءِ تہ ءَ کپت ءَ انت۔ اے ھیالانی درشانی آئی ءَ دو شمبے ءَ وحدتِ امت کانفرنس ءَ گوشتانک دیان ءَ کت۔ صدر ءِ مملکت ءَ گوشت کہ قرآن پاک ءِ زانشت مئے سروکی ءَ کناں، مسلمان آناں گوشگ بوتگ کہ آ وت مہ وتی کشاں چیل مہ کن اَنت۔ کشاں چیل ءُ کسد ءُ کینگ مسلما ن آناں توان دنت، مارا اللہ پاک ءِ سات ءَ را مھکمی ءَ گوں دارگی انت، یک راجے جوڑ بوھگ ءِ واستہ کشاں چیل ءَ چہ رکھگ لوٹ ایت، بازیں نیک راھی سروک جزبہ ءُ لھڈ بوھگ ءِ ساھت ءَ اے رنگیں تران کناں ایشاں چہ کسد ءُ کینگ گیش ود انت، زانشتی ءُ شاہ زانتی یک ءُ دگر ءَ نہ منگ وتی جاھ ءَ جاعلی کسد ءُ کینگ اے کشاں چیل آنی سبب جوڑ بنت۔ آئی ءَ گوشت کہ عالم آناں اسلامی زانشت آںی ھوالگ ءَ سروکی پجاری کناں، ڈن ملکی پندل آنی سبب ءَ پاکستان مسیت ءُ امام بارگاہ آنی تہ ءَ تراک بوتگ انت، زانشتی کسد ءُ کینگ آں ابید الس وت مہ وت کشاں چیل جنگ ءُ چوپ آنی تہ ءَ مہ کپ انت۔ آئی ءَ گوشت کہ گوستگیں لستیں سال آنی پندل آنی وسیلگ ءَ ایران ءُ عراق ءِ نیام ءَ جنگ کنائینگ بوتگ، میاں اوستمانی ھاٹیگ آں وتی وتاس آنی بھا کنگ ءِ واستہ اے جنگ کنائینتگ انت۔ ایران عراق جنگ ءَ 10 سال ءِ ساھت ءَ کساس لکھ مردم کوشگ بوتگ۔ وت مہ وتی کشاں چیل ءَ عراق ءُ شام ءَ را تباہ کتگ۔ آئی ءَ گوشت کہ قائداعظم محمد علی جناح ءَ وتی گشتانک ءَ مدام کشاں چیل ءَ چہ بچگ ءِ سبک داتگ، یک ءِ دومیگ ءِ گوما ءَ را کافر نامینگ ءِ نمونگ ءَ چہ وتارا بچگ لوٹ ایت۔ آئی ءَ گوشت کہ پاکستانی راج ءَ ناشرکاری ءُ کشاں چیل ءِ ھلاپ ءَ کامیاتی ءَ گوں جنگ کتگ، پاکستان ءَ یک مشت بوھان ءَ کورونا ھوپ ءِ گوما مقابلہ کتگ، حکومت ءَ احساس پروگرام ءِ وسیلگ گریب آنی کمک کتگ، اللہ پاک ءَ را ھما دوست انت ھما کہ دومیگ آنی کمک ءَ کنت، عالم ءُ بلدکار آں کورونا ھوپ ءِ ھوالگ ءَ مسیت آنی وسیلگ ءَ سرپدی کنگ ءَ ارزشتی ایں کرد پیلو کتگ، مسیت آںی تہ ءَ عبادت جاڑی بوتگ ایشی ءَ چہ اللہ پاک ءِ رحمت ءُ برکت نازل بوتگ انت، مکہ مکرمہ ءُ مدینہ منورہ مسلمان آنی قبلہ ءُ شرپ مندیں جاھ انت۔ صدر ءِ مملکت ءَ گوشت کہ ھما راج دیمروئی کت کناں ھما وانی تہ ءَ دیمروئی مہ بیت، اسلامی دگنیا پاکستان ءِ نیمگ ءَ چارگ ءَ انت آ مئے سروکی ءَ کنت، مزن وزیر عمران خان ءَ اسلام ءِ ھلاپ ءَ کسد ءُ کینگ ءُ ھدا ءِ پاک ءِ پاکیں نبیؐ ءِ شرپ ءُ ازت ءِ درگت ءَ جوانیں بن گپ ءُ گشتانک داتگ۔
