کوئٹہ۔ 21 ستمبر (اے پی پی) ترجمان حکومت بلوچستان لیاقت شاہوانی پارینے کہ اسکول آتا ملنگ نا ایس او پی تیا عملدرآمد مننگ ءِ، 20آن 25 درسد تعلیمی ادارہ غاتیٹی کورونا کیس مون آ بس تو ویل ودی مریک۔ دوشنبے نادے آ میڈیا تون گپ وتران کرسا لیاقت شاہوانی پارے کہ اسکول آتا ملنگ آ ننا گڑتی ئس حالیت آتے ہُننگ اُن، طالب علم آتے کورونا غان بچفوئی ءِ۔ اوپارے کہ بلوچستان نا تعلیمی ادارہ غاتیٹی کورونا ایس او پی تیا عمل مننگ ءِ ولے ہرا تعلیمی ادارہ غاتیٹی کورونا کیس مون آ بسنے اوفتے بند کرینن لیاقت شاہوانی پارے کہ کورونا نا سوب لاک ڈاؤن نا بھلا فیصلہ غٹ آن مست سندھ و بلوچستان کریسر، طالب علم آتے کورونا وائرس آن بچفنگ کن لمہ و باوہ، استاد و غٹ اسٹیک ہولڈر آک تینا کڑد ءِ ادا کرسا ایس او پی تیا عملدرآمد ءِ پک کننگ اٹ انتظامیہ تون کمک کیر تانکہ تعلیمی چرجوئی ءِ برجاتخنگ مرے اگہ اسکول آتیٹی کورونا وائرس نا کیس آک ودار تو مجبورا تعلیمی ادارہ غاتے بند کننگ مریک۔
