اسلام آباد۔ 21 ستمبر (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ پاکستان دنیا نا غٹ جھیڑہ غاتا مذاکرات نا کمک اٹ پرامن ایسری نا گرج آ زور شاغانے۔ جہانی یوم امن نا بابت کلہو اٹی پارے کہ پاکستان دنیا ٹی پائیدار امن کن تینا کڑد ءِ پبی وڑٹ ادا کننگ ءِ، اوغانستان اٹی دیرپاامن کن پاکستان نا کڑدانا مچ آ دنیا ٹی ستاءِ کننگ انگ ءِ، پاکستان دنیا ٹی غٹ ایسر نا چاری ویل آتا ایسری کن مذاکرات و پرامن ذریعہ غا زور شاغانے۔ کشمیر نا جھیڑہ نا سوب آن سویلی ایشیانا امن بھاز خطرہ ٹی ءِ۔ امن نا جہانی دے انا وخت آ تینا کلہو اٹی علی امین گنڈاپور پارے کہ دنیا نا امن فلسطین نا ویل و کشمیر نا ویل انا سوب آن بھاز خطرہ غاتا پلویڑ اٹی ءُ۔ کشمیر نا ویل آ اقوام متحدہ قرارداد آتیان پد ہم بھارت کشمیری تے حق خودارادیت تننگ آن نمن ءِ۔ علی امین گنڈاپور پارے کہ کشمیر نا ویل انا سوب آن سویلی ایشیا نا امن خطرہ غان دوچار ءِ، بھارت تینا ہندو انتہاپسند ایجنڈا نا پوروی کن جنگی سلہہ غاتا انبار اس خلنگ ءِ۔ بھارت نا کنڈآن سلہہ غاتا دوئی کننگ و کشمیری تیا است ہسون ظلم ڈیہہ ٹی بھلو سانحہ سے ودی کننگ کیک۔ علی امین پارے کہ اسلاموفوبیا نا ودوک واقعہ غاک جہانی امن کن بھاز خطرناک ءُ، اسہ ایلو نا عقیدہ ، نظریہ و رسم و رواج نا احترام دنیا ٹی امن نا کوشست آتا بابت اسہ درور اسے۔ دنیا ءِ مسٹ میکو جہانی جنگ آن رکھ تخنگ کن جہانی کانود آتا شرف ءِ کننگے۔
