پارلیمانی کشمیر کمیٹی نا چیئرمین شہریار آفریدی نا جہانی یوم امن نا وخت آ ٹویٹ
اسلام آباد۔ 21 ستمبر (اے پی پی) پارلیمانی کشمیر کمیٹی نا چیئرمین شہریار آفریدی پارینے کہ مساوات جہانی امن کن شڑت ءِ، بھارت واک انا ناروا کاریم اٹ اتسا آسام، جوناگڑھ، حیدرآباد نا ریاست آتیا کوزہ کرے۔ دوشنبے نادے آ امن نا جہانی دے انا وخت آ تینا ٹویٹ اٹی آفریدی پارے کہ داسہ بھارت کشمیر آ کوزہ ءِ سوگو کننگ خواہک۔ پاکستان دانا موکل تفک، اقوام متحدہ ءِ کشمیری تا رائے شماری ءِ پک کروئی مریک۔ پاکستان سویلی ایشیاٹی امن کن کوشست کننگ ءِ۔ نن دہشت گردی نا برخلاف ڈغار آ غٹ آن بھلا جنگ ءِ کرین۔ اوپارے کہ پاکستان اوغان امن عمل اٹ کلیدی کڑد ادا کرے۔ شہریار آفریدی ٹویٹ اٹ پارے کہ نن ہندوستان تون امن ءِ برقرار تخنگ کن بے مٹ گام گیج کرین ولے ڈیہہ ٹی بالادستی نا ہندوستانی سوچ داکسر اٹ بھلو اڑاند اسے۔
