ہری پور۔ 21 ستمبر (اے پی پی) بنجائی وزیر توانائی ، پٹرولیم و قدرتی وسیلہ عمرایوب نا پرمان تیا اپرخانپور نا ویلیج کونسل کوٹ جنداں ءِ 20 پولز اتون 50 کے وی اے نا ٹاسفارم تس، پین 6 ایچ ٹی پولز و اسہ ٹاسفارم اس دمدستی تننگ نا ہم پارت کننگا۔ ہندا علاقہ ٹی تخوک آ 100 کے وی اے نا ٹاسفارم ءِ ہم لوڈ انا رداٹ اپ گریڈ کننگ نا پرمان جاری کننگانے۔ اپرخانپور نا علاقہ کوٹ جنداں اٹ دود انا وخت آ بنجائی وزیر عمرایوب خان پارے کہ اپر خانپور نا ویل آتا ایسر اولیت ءِ ہراڑکن غٹ وسیلہ غاتے کاریم اٹ اتینہ۔ دود اٹی باسک صوبائی اسمبلی و چیئرمین ڈیڈک کمیٹی ارشد ایوب خان 34 لکھ روپئی نا فنڈ آن صابرہ روڈ انا تعمیراتی کاریم آ ہندی مخلوق ءِ مبارکباد پیش کرے و ایلو شونداری کاریم تیکن فنڈ آتا پڑو ءِ کرے۔ دود اٹی ماسٹر محمد زمان تینا دھڑہ تون اوار خان برادران نا مخ تفی نا پڑو ءِ کرے۔ داوخت آ مسکوہی صوبائی وزیر یوسف ایوب خان، باسک صوبائی اسمبلی و چیئرمین ڈیڈک کمیٹی ارشد ایوب خان و ماسٹر محمد زمان تون اوار ایلو ہندی سرکڑدہ غاک ہم تران کریر و بنجائی وزیر عمرایوب خان و خان برادرز نا منت واری ءِ ہرفیر۔
