اسلام آباد۔ 21 ستمبر (اے پی پی) حکومت بجلی نا کم وولٹیج نا ویلءِ ایسر کننگ کن چندی علاقہ غاتیٹی گریڈ اسٹیشن تے گچین کننگ و پوسکن آ ٹرانسمیشن لین تا شاغنگ نا فیصلہ کرینے۔ پاور ڈویژن نا حوالی نارداٹ دا چرجوئی ٹی پوسکن آ گریڈ اسٹیشن تا جوڑ کننگ آ ہم چکارکننگ انگ ءِ۔ پنجاب اٹی ساڑی آ گریڈ اسٹیشن تے اپ گریڈ کننگ کن بھلو فنڈ اس جتا کننگانے۔ جوہر آباد اٹی 220 کے وی نا گریڈ اسٹیشن و ٹرانسمیشن لین شاغنگ نا ڈٹ انا منظوری ءِ ایکنک مئی 2018 ء ٹی تسوسس و دانا خڑچ آ جم کساس 2 ارب 96 کروڑ روپئی آن زیات ءِ۔ اینخو مالی سال انا سرکاری بشخ سالانہ شونداری پروگرام تیکن دا بشخ اکن 70 کروڑ روپئی جتا کننگانے۔ دانا اپ گریڈیشن آن بجلی نا فراوانی ٹی 70 درسد گچینی بریک۔
