اسلام آباد۔ 21 ستمبر (اے پی پی) ملک اٹی بجلی نا بشخ اٹی براہ راست درملکی زرکاری ٹی برجا مالی سال انا بنائی اِرا تُو اٹی تدوک آ سال انا ہندا وخت انا مقابلہ ٹی 162.5 درسد ودکی ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ جولائی و اگست 2020ء ٹی ملک اٹی بجلی نا پیدوار نا بشخ اٹی جم وڑاٹ 42 ملین ڈالر نا براہ راست درملکی زرکاری ریکارڈ کننگانے۔ تدوک آ مالی سال انا بنائی اِرا تُو اٹی ملک اٹی بجلی ودی کننگ نا بشخ اٹی براہ راست درملکی زرکاری نا کچ 16 ملین ڈالر ریکارڈ کننگاسس۔ ایندھن آن بجلی ودی کننگ نا بشخ اٹی مالی سال نا اولیکو اِرا تُو اٹی 32.7 ملین ڈالر نا براہ راست درملکیزرکاری مس۔ تدوک آ مالی سال انا ہندا وخت اٹی تھرمل ایندھن آن بجلی ودی کننگ نا بشخ اٹی 17.1 ملین ڈالر نابراہ راست درملکی زرکاری مسوسس۔ دِیر آن بجلی ودی کننگ نا ڈٹ آتیٹی جاری مالی سال انا اولیکو اِرا تُو اٹی 9.3 ملین ڈالر نا براہ راست درملکی زرکاری ریکارڈ کننگا۔ تدوک آ مالی سال انا اولیکو اِرا تُو اٹی دیر آن بجلی ودی کننگ نا ڈٹ آتیٹی 20.2 ملین ڈالر نا براہ راست درمکی زرکاری مسوسس۔ کولاآن بجلی ودی کننگ نا ڈٹ آتیٹی برجا مالی سال انا اولیکو اِرا تُو اٹی ہچ ءُ براہ راست درملکی زرکاری اس کننگتنے۔
