اسلام آباد۔ 20 ستمبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ آل پارٹیز کانفرنس(اے پی سی) احتساب ءِ چٹفنگ کن حکومت آ زور شاغنگ نا بے سہب کوشست اسے۔ یک شنبے نادے آ راجی رابطہ نا ویب سائٹ ٹویٹرآ جاری کلہو اٹی اوپارے کہ قوم جوان خنانے کہ اپوزیشن جند انا فائدہ و مسخت آتیکن سیاست ءِ کاریم اٹ ایس، و جند انا جاگیر تے رکھ اکن پارلیمان ءِ کاریم اٹ ایس۔ اوپارے کہ وزیراعظم عمران خان وڈی خوری نا برخلاف تینا عزم آ ہچ ءُ سمجھوتہ اس کپک ہنداخاطرآن ہچ ءُ این آر او اس تفننگک۔
