لاہور۔ 20ستمبر(اے پی پی) وزیراعظم نا خصوصی کمکار ڈاکٹر شہباز گل پارینے کہ اے پی سی نا مطلب آل پاکستان لُٹ و پُل کمیٹی و قوم انا لٹوک آ زر آتے بچفنگ کن کرپٹ اشرافیہ نا گٹھ جوڑ ءِ، ہراتم غٹ دُز آک اسٹ مریر تو پہہ مریرے کہ ایماندار تھانیدار اس بسنے۔ اینو اسہ وار ولدا پاکستان لٹ وپل ایسوسی ایشن یکجا مننگ ءُ، ارب آ روپئی نا منی لانڈرنگ مفننگ آن اپوزیشن نا ملاسی چٹپننگ ءِ۔ مستین اٹ اپوزیشن نا دا جماعت آک اسہ ایلو نا برخلاف انت آن انت پاریرہ ، اپوزیشن والاک اواری اٹ بیرہ این آر او خواہنگ ءُ۔ اپوزیشن اخہ دار چائے اے پی سی کے، ہراسٹ نا است خوائے تران کے ولے اپوزیشن کن ہندا کلہو ءِ اوفتے این آر او ملپک۔ وزیراعظم عمران خان این آر او تفننگ نا فیصلہ کرے تو دا مخلوق اے پی سی کننگ ءُ، آصف علی زرداری ءِ علی بابا 40 دُز پاروک آ شہباز شریف داسہ تینٹ 41 می دُز مرسا کرسی ناخاطر ہِننگ ءِ کہ دُن مف کہ داڑآ مریم نواز تولپ، او یک شنبے نادے آ پریس انفارمیشن ڈیپارٹمنٹ اٹی میڈیا تون گپ وتران کریکہ۔
