لاہور۔ 20 ستمبر (اے پی پی) گورنر پنجاب چوہدری محمد سرور تون گورنر سندھ عمران اسماعیل یک شنبے نادے آ گورنر ہاؤس اٹ اوڑدہی کرے، اوڑدہی ٹٛ ساڑی سیاسی حالیت و حکومتی باندات آتا بارواٹ گپ وتران کننگا، داوخت آ گورنر پنجاب چوہدری محمد سرور پارے کہ اپوزیشن جماعت آتا انت کہ مرضی ءِ کیر حکومت نا 2 سال پورو مسر ایلو 3 سال ہم پورو مریرہ، اپوزیشن جماعت آک وخت اس ہم اسہ پنہ غا بننگ کپسہ اوفتا غٹ انا تینا تینا پیج اسے۔ اوڑدہی ٹی گورنر پنجاب پارے کہ 2023ء اسکان اے پی سیز مرسا کیک وخت اس کہ حکومت قائم سلک، حکومت نا 2 سال پورو مسنو ایلو 3 سال ہم پورو مریرہ، عمران خان مدام ناممکن ءِ ممکن کرسا نشان تس۔ الس ہم حکومتی بیانیہ تون سلوکءُ، مخالف آک بے سہب مریرہ۔ چوہدری محمد سرور پارے کہ حکومت نزور تپہ غاتا شونہالی کن عملی گام گیج کننگ ءِ۔ وزیراعظم عمران خان نا ایمانداری آ اسٹ اس ہم ہور ہرفنگ کپک، حکومت اولیکو دے آن دا فیصلہ کرینے کہ ملک ءِ کرپشن کون آ ناسورآن پورو نجات ترفک، اوپارے کہ مستین نا حکمرانک ارب آ روپئی نا درملکی وام تا کمک اٹ پاکستان ءِ زرگزرانی وڑاٹ بھسکاری آن بیدس ہچ اس تتوس ولے تحریک انصاف نا حکومت تینا سرسہب زرگزرانی پالیسی تا کمک اٹ پاکستان ءِ حقی وڑاٹ شونداری و شونہالی نا کنڈآ درینے۔
