اسلام آباد۔ 20 ستمبر (اے پی پی) بنجائی وزیر بحری امور علی حیدر زیدی اپوزیشن جماعت آتا آل پارٹیز کانفرنس (اے پی سی) ٹی مسکوہی وزیراعظم نواز شریف نا ویڈیو لنک انا کمک اٹ تقریر ءِ نامناسب و غیر منطقی گوندانے۔ یک شنبے نادے آ نجی ٹی وی چینل تون گپ وتران کرسا اوپارے کہ نواز شریف بھلو کچ اسے آ وڈی خوری اٹ اوار ءِ و سزاہلوک مجرم اسے، او درمان کن ضمانت آ پیشن نا ملک آ ہنانے۔ اودے مرے کہ وطن آ پدی برے عدالت آتیٹی تینا مقدمہ غاتون مون ایتے۔ نواز شریف مہالو قومی ادارہ غاتے پیشن نا ملک آتیٹی جوڑکروک تینا میرات آتا منی ٹریل و رسید آتے ایتے ولدا ایلوفتیا دوبہ خلے۔ بنجائی وزیر پارے کہ اگہ 2018ء نا گچین کاری تیٹی دھاندلی مس تو اپوزیشن جماعت آک الیکشن کمیشن اٹ کیس دائرکیر۔ بیرہ خورک و سٹی آ دوبہ غاتیا سیاست کپس۔
